Kreu vrasjen në qebaptore, dënohet me 18 vjet burg - Bota Sot
Kreu vrasjen në qebaptore, dënohet me 18 vjet burg

Kronikë e zezë

Kreu vrasjen në qebaptore, dënohet me 18 vjet burg

Më: 15 maj 2019 Në ora: 17:12
Foto ilustrim

Gjykata Themelore në Gjakovë ka dënuar me 18 vjet heqje lirie të akuzuarin E.B. për veprën penale vrasje dhe mbajtje në pronësi, kontroll ose posedim të paautorizuar të armëve.

Në dënim do të llogaritet koha e kaluar në paraburgim nga data 1 nëntor 2017.

I akuzuari obligohet të paguajë shpenzimet procedurale në shumën prej 1.521 euro, shpenzimet e paushallit gjyqësor në shumën 300 euro si dhe shumën 50 euro, në emër të kompensimit të viktimave të krimit në afat prej 15 ditëve pas plotfuqishmërisë së këtij aktgjykimi.

Gjykata ka ardhur në përfundim se në bazë të gjendjes së vërtetuar faktike, i akuzuari, më 1 nëntor 2017 në Gjakovë, në qebaptoren “T-B” me dashje ka vrarë A.H. për shkak të një mosmarrëveshje që i akuzuari kishte pasur kohë më parë me tani të ndjerin rreth motrës së tij të mitur.

Të akuzuarit i vazhdohet masa e paraburgimi deri në plotfuqishmëri të aktgjykimit.

Pala ka të drejtë ankese kundër këtij vendimi në Gjykatën e Apelit të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...