Policia ka arrestuar në flagrancë dy persona për veprën penale “Prodhimi dhe shitja e narkotikëve”.
Një 30 vjeçar nga Lushnja u arrestua në dhomën e tij të pushimit në Dhërmi pasi iu gjetën 16 doza kanabis, kurse një 37-vjeçar nga Fieri, u kap në Ksamil me 2 doza kanabis.
”Arrestohet shtetasi E. P., 30 vjeç, banues në Lushnjë. Ky shtetas u kap në dhomën e tij të pushimit në Dhërmi, pasi gjatë kontrollit iu gjetën 16 doza lëndë narkotike të dyshuar si canabis sativa’. Arrestohet shtetasi D. K., 37 vjeç, banues në fshatin Fermë Çlirim, Fier, pasi ditën e djeshme është kapur në rrugën e Ksamilit dhe gjatë kontrollit personal iu gjetën 2 doza lëndë narkotike të dyshuar si canabis sativa”, informon policia.
Materialet iu referuan Prokurorisë për veprime të mëtejshme.
