Tri raste të dhunës në familje gjatë 24 orëve të fundit në Kosovë

Kronikë e zezë

Tri raste të dhunës në familje gjatë 24 orëve të fundit në Kosovë

Më: 1 dhjetor 2021 Në ora: 12:02
Foto ilustrim

Gjatë 24 orëve të fundit në Kosovë, janë raportuar tri raste të dhunës në familje.

Dy raste kanë ndodhur në rajonin e Prishtinës e një në atë të Pejës.

Njëri rast ka të bëjë me sulm fizik ndaj gruas, tjetri ndaj djalit dhe i fundit ndaj babait.

“ Prishtinë, 30.11.2021 – 11:19. Është arrestuar i dyshuari kosovar për shkak të dyshimit se i njëjti kishte ushtruar dhunë fizike dhe psikike ndaj bashkëshortes së tij, viktimës femër kosovare. I dyshuari pas intervistimit me vendim të prokurorit është dërguar në mbajtje, rasti në procedurë hetimore”, thuhet në raportin 24-orësh të policisë.

“Gllogoc, 30.11.2021-16:10.   Viktima kosovar ka raportuar se pas një mosmarrëveshje është sulmuar fizikisht nga babai i tij i dyshuari kosovar. Palët janë intervistuar dhe me vendim të prokurorit, rasti vazhdon në procedurë të rregullt LËNDIM I RËNDË TRUPOR”, thuhet në raportin e policisë.

“Pejë, 30.11.2021 – 00:30. Është arrestuari dyshuari mashkull kosovar, pasi që ka ushtruar dhunë ndaj babait të tij viktimës mashkull kosovar. I dyshuari ka pranuar tretman mjekësor pasi që në shenjë nervoze ka thyer një xham të shtëpisë. I dyshuari dhe viktima ishin në gjendje të dehur. Me vendim të prokurorit, i dyshuari është dërguar në mbajtje”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat