S’e lanë rehat

Kultura

S’e lanë rehat

Nga: Zymer Mehani Më: 22 qershor 2019 Në ora: 10:50
Zymer Mehani

Ia prenë krahët

S'e lanë rehat

-Je shumë e madhe,

Me hipokrizi i thanë

-Të mjafton veç një gjysmëqiell

Një gjysmëtruall,

Një gjysmëdiell

 

I thanë me tradhti

-Të mjafton njëri krah

Dhe vetëm njëra kokë

E zinxhiruan e i thanë

-Të mjafton një gjysmëtokë

 

Si të këndojë

Ta mësojnë nisën

E shanë, e prenë, e vranë

Gjithçka i thanë

 

Gracka e leqe

Ngado i kurdisën

Arinj, derra, ujq

Dhelpra e hijena iu vardisën

Në ditë të stuhishme

prore e braktisën

Por Shqipja trime

Veç një këngë e këndoi

Këngën e grykëhollës

Dhe ashtu fatprerë

Zogjtë i bashkoi

E çerdhet e saj

N'Preshevë, n'Çamëri

Veç një ngjyrë e kanë

Të tërën kuq e zi

Urtësisht i mëkon

Nëna Shqipëri

commentFirst article
Sot mund të lexoni Shfletoni kopertinat