Shpërthyen të zëshme
Me vrulle patriotike
Orët e krizës
Demokratike
Ngarendën të shfrenuara
Gjithandej me fatalizëm
Dje të përgjumurat
Në komunizëm
I “mirëpritëm” orët
E dhembjes krenare
Nëpër protesta
Nëpër trotuare
Nëpër Kuvende
Me grushte e karrige
Përveç zjarrvënies
N’objekte publike
Po sot si duken
Të lumet medet
E kanë humbur rrugën
Në oborr të vet
Me zor i ngatërrojnë
Hapat maratonike
Orët e krizës
Demokratike!