Kur derën e shtëpisë e mbyll me dry
dhe nis rrugëtimin për një kontinent tjetër
loti i mallit djeg bebzën në sy
dhe gjurmët e hapave rrugicës së vjetër
Amaneti i vjetër i babait dhe i nënës
peng të mbetët një jetë të tërë
diku larg nën rrezet e diellit dhe të hënës
gjersa i vetmuar vizaton ëndrra në rërë
Sekush
Sekush hy në mal pa sopatë
sekush i beson ëndrrës së vet
sekush e bën atdheun govatë
për të shuar urinë sa një det
Mikrob tradhëtie
(Një ish axhenti të armikut që sot shkruan vargje patriotike)
As dje as sot as nesër as kurrë
nuk do të ketë për ty as vargje as këngë
në gjithë jetën tënde ishe vetëm një urë
që mikrobin e tradhëtisë e ruaje nën mëngë
Kur
Kur të ikin nga koka flokët
kur të ikën mendja nga truri
kot ndalesh e i kujton shokët
shndërruar janë në kallinj gruri...