Sa larg detit e tokës rri
N'vargun tim vie
bashkë me dritën e diellit
Shtatë pash nën dhe i palon bajlozët e detit
Nuk e le Ajkunën vetëm nepër betejat e lavdisë
I kam puth fort ëndrrat
për ty
Zog shtegëtar i çdo stine u bëra
Të fluturojmë sebashku me fluturat
Pak verë të pimë n'Kopshtin e Edenit
Të dielën dua t'rrëfehem
Para dy luleve më të dashura t'mia
Trëndafilit dhe Orhidesë
Kam ba be n'dashni t'Evës dhe n'atdhe
Për Shqipni sërish t'bëhem Promethe
Nuk është larg nga jeta
Muza ime jeton n'secilën fjalë
Kur nga shpirti ti Eva ma fal
Kam ba be t'rrefehem edhe n'dritë të diellit
Në u shkrifsha n'qiri t'Naimit
Do pyes muzën
Si është me mirë të shkruaj
Ato fjalë kur m'i thot zemra
Janë nga shpirti për ty Shqipni
Nën Titanik ato t'artat
i nxjerri për ty dashni
NˊSYTË E TU TAKOVA DIELLIN
N'jetë
Takova lloj-lloj sysh
Sy ciklopi
Sy bajlozësh
Sy demonësh
Sy djajësh
Dhe n'sytë e tu
Ndalova Eva
Mora pak dritë
Dielli
U shndërrova n'pranverë
T'bëhem aromë trëndafili
Lumë i bashkimit me vëllain
T'jetojmë në t'vetmën Shqipni
T'Fishtës
Ku bukës i thonë bukë
E ujit ujë
Sot më shumë se kurrë
E dua Seremben dhe Lasgushin
Jetojnë dhe s'vdesin dashnitë e tyre
Ah det i tyre u bëfsha
Një varg i ëmbël venedikian
Që mund çdo heshtje
Dhe shëron plagë shpirti
Në yje
Janë shndërru sytë e tu
Eva
Me shpejt ngrohen lulet
Shi bie pa stuhi të dhembjeve
Buzëqeshje tërë botës i fal
Mua më le t'i pikturoj
Sytë e diellit
I vetmi piktor i Mona Lizës
Që t'i bashkon krahët
Në sy të bukur t'shqiponjes
Ah Eva sa herë m'u shndërrova
Në Ajkunë
E mua më bëre rebel
Të pi vetëm gji zanash
T'i mundi secilin bajloz
Ta shoh Shqipninë e lirë
Me tokë e shpirt t'bshkuar
YJET
Më ngjajnë në fjalët që s'kanë vdekje
Një jetë e bëmë t'bashkuar
Ashtu siç e duam Shqipninë
Me yjet
i mbijetuam ferrët e
përandorive
Edhe kur s'kishim diell
Ne u bëmë vetë drita e tij
Në jetë përpos yjeve dhe diellit
Asgjë s'ka të vërtetë
Dikur ishte fjala që jetohej dhe vdisej për të
Sot vetëm përmes yjeve
e di ç'është dashnia
Si e dua atdhen
Dhe çfarë duhet t'jetë Shqipnia
LUTJE PËR AMAZONËN
Me gjuhën time t'frymës që fluturat ma marrin
Sot shi bëhem n'malin e dashurive venedikiane
Sa thellë është pafuqia titanikiane
Mbi dritën e diellit shndërrohem në lutje petëndish
Si ta ndaloj kolonën e refugjatëve drejt vdekjes
Me Papën përkulemi nga ballkoni i shejtërisë se Vatikanit
Unë bëra dy lutje amazonësh
Për shtetin tim t'Republikës se Kosovës
Shqip u luta n'Vatikan si n'Washington e Paris
S'kam për të derdhur lot kurrë ma
Mali i Amazonës ngjanë me fisin tim
Ende i kërkoj zanat nëpër malin e hyjnive
që flasin shqip
Të ngritëm mbi ozonin që ka mbet peng shiu
T'i mallkoj secilën fytyrë tradhtarësh
Që ecin pa pengesa dhe ndalojn freskinë e luleve
Sa më dhemb nëse i mallkoj të dashurit e mi
Përse nuk ju besojnë thatësirave t'verës
Nëse i nemi udhët e djajve
Hapi krahet dhe më përqafo dashnia ime
S'kam asnjë në jetë përpos teje dhe dritës se diellit
ËSHTË MIRË MË KANË BURRË
-Sot në ditëlindjen time
Më besue se jam burrë është mirë
Pa kthye kokën prapa atdheut t'mërguar
Syve ju them t'jetojnë me të bukurën e burrënisë
Edhe nëse zjarrët djegin kohën time
t'dashnisë
Sot në ditëlindje të kësaj dite të bardhë
Dua t'i takoj secilës fjalë të bukur nëse vie nga Ozoni a Olimpi
Me dritën e diellit e kam mendue ta ndaj sebashku lirinë e fjalës
Tërë ditën dua t'i shëroj dhembjet e dashurive titanikiane
Edhe nëse për mua është zgjedhur t'jetoj nën Titanikun kryeneq
Është mirë sot m'i harrue mëkatarët që vjedhin dashuritë e Evës
Por cili shpirt i shejtë i harron plagët e krahëve të thyer t'pëllumbave t'mi
Sot më shumë se kurrë dua t'flas me ty imzot
Më fal vetëm njëherë n'jetë uratën
Si të mësoj mjeshtërinë e shpatës o Gjergj
Heu bre burrë
sot dua t'shkruaj vargun më hyjnor për diellin
Të jetoj i lirë legjendave
që krijoj fisi im nepër betejat e lavdisë
Plas o varg se sot nuk jam i krisuri
i dashurive donzhuane
Sot nëse jam burrë
dua t'eci n'dritën e Homerit
T'i rikujtoj takimet mbresëlënëse
t'Romeut dhe t'Zhulitës
Del o varg nga shpirti i heronjve
dhe bëhu lufta dhe vargu im i fjalës se shejtë
O vdis si palaço n'zjarrët e mallkimit
Sot s'di që ka vdekje më t'madhe se kur fjala t'vdes
25 Gusht 2019 AGIM DESKU
POEZI E JETËS
N'varg t'jetës të mbaj t'gjallë
Si fjalë t'shejtë e jo si përrallë
Për sytë e tu diellit peng i rri
Bota me lule të takon vetëm ty
N'ditëlindjen tënde t'kujtoj për hyjni pellazge
N'muzë m'je shndërrue t'shkruj varg t'ri
Një vit t'prita të ngriti gotën e dollisë
E mërzitshme është jeta
nëse kurrë s'je provue n'burrëni t'shqipeve
Edhe atëherë kur ke sakrifikue dashninë
për atdheun e zënë peng ferri
Ti dhe vetëm ti poezia ime hyjnore
Më rri n'besë dhe n'gjuhë zanash
Me ty i nisa betejat
për t'bukurat e detit dhe t'tokës
Ndalova vdekjen e tokës se shitur
nga demonët e mi
Pranova n'dyluftim t'i mbetëm shekujve
Sërish t'rilindin Promefe trojet e mia
Poezi do t'ndaloj më 19 gusht 2019
N'këtë ditë rikujtoj besën kur shqipet falin
Fjalën e shejtë zanat e kanë rujtë
nepër vargun tënd poezi
Zjarrët le të ndezen sërish
nëse njeri nga ne bëhemi tradhtar i jetës
Fluturat s'do na falin për trëndafilat e vyshkur
Ah përse të mungon etja për shiun e luleve
N'këtë ditë flaka e diellit m'i forcon fjalët e zemrës
Ato për të cilat çdo çast t'jetës vdes ngapak për ty poezi
Gusht 2019 AGIM DESKU
GJARPËRISHT
T'kam thënë
n'gjuhën e gjarpërit
S'dua dashninë ta ndaj
Me ty Eva
Kam frikë nga bota
Se do mbushet plotë djajë
Nëse gjarpërisht flasim
Për dashninë e jetës
As fjala ma s'do t'këtë liri
T'kam besue n'fjalë
Dhe n'lirinë e saj
Mos luaj me t'shejtën dashni
Një ditë jeta t'gjykon
për mëkat t'saj
N'vend t'ëndrrave t'lira
Do t'përballësh me çmenduri demonësh
Me dorën tënde
e nënshkrove fatin e hidhur
t'jetës
T'kam thënë
Se liria është e shtrejtë
Sa besa e fjalës sime
Vetëm n'besë t'fjalës shqip
E pranoj dashninë e yjeve
Edhe nëse për të
duhet t'vdes
KUR MË MUNGON JETA
Më besoni drita e diellit më ka mungue n'jetë
Që kur Homeri ecte me fener të ndezur ditën e diel
Eh si nuk e kuptova kurrë prijësin tim pellazg
As përse luftoi Odiseu
Për Itakën mbetëm peng t'vërtetës
Nëse një ditë arrijmë si varg i shejtë në Olimp
Çelësin për ta çelë Kutinë e Pandores do ta marrim
N'dashni rava për t'u shndërrue n'Korife t'fjalës
Edhe atëherë kur s'kam jetë
T'baj be se ti dhe vetëm ti je jeta ime
Kur më mungon e vërteta
S'kam ku ta kërkoj jetën
Veç n'sytë e tu
Kur më mungojnë sytë e mi
Ti bëhesh syri im
Unë shoh përtej oqeaneve
Të dytë shndërrohemi në legjendë
T'dashnisë Eva
Më jetën duhet me u takue
Vetëm si Adam të krisur
Nëse dua t'i takoj sytë e diellit
Ta shoh kah buzëqesh e bukura e detit
FESTA JASHARIANE
Rikthimin e fjalës për t'festu festa t'shejta
E pres t'më ringjallët sërish besa jashariane
Kur zanat e malit ishin në çdo betejë
për jetë a vdekje t'luftëtarëve t'lirisë
Ç'më gëzoni sot kur më uroni dritën e diellit
Eh kjo më është fuqia e zanave
Që m'bekojnë n'gjuhën e luftëtarit
N'dashninë e tij bëhëm fitues betejasht t'ferrit
Për mua festa që më mban gjallë
Eshtë lutja për liri t'Shqipnisë
Dhe flaka kur më rri ndezur
në natën e Zjarreve Prekaziane
Kësaj i thonë liri kur t'vie pranë 54 lapidarëve të bac Adem Jasharit
Ah Prekaz festa më e dashur për brezat e mi
Gëzimi im që nipave dhe mbesave
ju rrëfej historinë t'shndërruar në mit legjendash
Më Eronin,Kiaren dhe Arien fotografi loti bëjmë
Ç'pikturë krijonin artistët nga secili cep i Shqipërisë
Poetët bëhën varg i gjallë i diellit jasharian
Unë vetëm kështu festoj Natën e Zjarreve Prekaziane
Ku liria u pague aq shtrejtë sa sytë e vërbuem t'botës
për një çast u çelën
Dhe ferri sërish mbeti ferr përandorësh
që nga lindja e Adamit deri më sot
KUR MË MUNGON JETA
Më besoni drita e diellit më ka mungue n'jetë
Që kur Homeri ecte me fener të ndezur ditën e diel
Eh si nuk e kuptova kurrë prijësin tim pellazg
As përse luftoi Odiseu
Për Itakën mbetëm peng t'vërtetës
Nëse një ditë arrijmë si varg i shejtë në Olimp
Çelësin për ta çelë Kutinë e Pandores do ta marrim
N'dashni rava për t'u shndërrue n'Korife t'fjalës
Edhe atëherë kur s'kam jetë
T'baj be se ti dhe vetëm ti je jeta ime
Kur më mungon e vërteta
S'kam ku ta kërkoj jetën
Veç n'sytë e tu
Kur më mungojnë sytë e mi
Ti bëhesh syri im
Unë shoh përtej oqeaneve
Të dytë shndërrohemi në legjendë
T'dashnisë Eva
Më jetën duhet me u takue
Vetëm si Adam të krisur
Nëse dua t'i takoj sytë e diellit
Ta shoh kah buzëqesh e bukura e detit
SHQIPTAR
Veç një fjalë m'ban krenar
N'fis t'Fishtës ku jam shqiptar
Në gjuhë t'shqipeve kur them
tungjatëjeta
Kur sërish zanat do t'jenë n'trojet t'veta
E kam mendue t'i pyes shekujt n'largim
Me cilët perandorë isha dje n'dyluftim
A në cilat hyjni isha n'përqafim
E pyeta edhe veten
Nëse isha fajtor
Pse s'kisha kurrë liri
Pse nuk jetoja si shqiptar
Në t'vetmen Shqipëri
E pyeta poetin
A i kam ngjarë ndonjëherë yllit t'dritës
A e kam n'shpirt ende Lahutën e Malcisë
E kam mendue t'i pyes shekujt a veten
A jetohet pa frymën e lirë t'shpatës se Gjergjit
A është vështirë t'jetohet si shqiptar
N'tokë t'shqipeve me zemër t'ndarë
T'jesh shqiptar me fytyrë t'Prometheut
Zoti t'ka bekue n'Korife t'atdheut
Lum ai varg që e shkroi Naimi
Për idilat e dashnisë
Ku i dhanë dritë e jetë
Tërë Shqipnisë
FAQE JETE
Dje isha i vetm i prangosur i ndërgjegjes
Ani pse jetoja bulevardeve evropiane
Nuk e dija nëse e kam takue ndonjëherë jetën t'lirë
Tërë botën e kisha n'sy t'ballit
Me ylberin mundoheshim t'i falnim ngjyrat njeri-tjetrit
S'ka jetë në jetën e zezonave
Sa larg ka shkue pafuqia për t'krijue një t'vetme Shqipni
Ç'më duhet të bëj a të ndaj nga jeta
E di veç në një gotë të krisur kam mbetur n'lutje
Adam ti kur na more n'udhën tënde
Vallë a e mendove për fisin tim t'jetoj i lirë
Çfarë i duhem jetës pa jetën e vërtetë t'zanave
Kur shqipet e mia janë i vetmi gjak i pastër qe bota model na ka
Në këtë udhë më nisën një faqe jete brezat e mi të artë
Krijuam dashuritë pa asnjë tradhti shekujsh
Kohën e bëmë Korife t'fjalës
Aty këtu ndonjëri u bë besëthyer
Eh edhe pse nuk ishte n'traditën e shipeve
Buka e kthyer për mik e armik
Ç'na mallkoj dje besa edhe sot
Faqën e jetës ia fala faqes se miqve
Një mijë vjet i mbijetuam Apokalipsat korbiane
Më të drejt sot i jam krenar faqes se fisit tim pellazg
EH,NË Ç'KUJTIME JETOHET
Mbi jetën e bukur ç'më ngritin kujtimet
Atëherë kur mbeta dhembje e fjalës
S'të lenë të vdesësh asnjëherë
Nëse u bëre Korife çlirimtari
E dëshiroja dyluftimin e demonëve
T'i ruaja kujtimet qofshin t'varrosura nën dheun e bajlozëve
Ndryshe s'mund ta krijoja t'vërtetën
E di asnjë botë e bukur s'kthehet ma
Sërish i rikthehem fajësisë ose pafajësisë sime
Le t'më gjykojnë sytë e bukur t'qiellit
Ata që plagë t'pashëruar iu bën kujtimeve t'fjalës
Ndonjëherë kujtimet më tretin në çmendurinë e dehjes
Sa do t'isha i lumtur nëse isha kryeneq i fjalës
Apo një i krisur i dashurive donzhuane
Që s'jetojnë ma pas kohës se Romeut dhe Zhulietës
M'i kanë vra të dy kohërat e gjalla
Kam mbetur me kujtimet e krisura
Kam faj pse vidça për fjalën
Nuk besoj sërish t'rikthehem në Promethe
Vetëm nëse atdheun ma plagosin
UDHA E SHEJTË
E kam pas humbur udhën e lirsë
Kryq e tërthor i rash botës t'pafund
Për pesë shekuj një mijë kryqa m'i vunë
E asnjë timin nuk ma lanë
Sikur erdha para teje Adam
Tani dëshmitar jam vetë
Se bota u ngrit mbi fisin tim
Pellazg
Hyjëritë e detit dhe të tokës
Më flasin për herojtë e mi
Sytë e tyre janë vetë
Shkëlqimi i diellit
Mbrëmjeve i shoh
Në buzëqeshjen e hënës
Udhën ma fajësuen
Pse erdhem në jetë
Si yjet e qiellit
T'vetmit herojtë e mi
Edhe kur vdesin
Sërish ringjallën
Kalova afër Kullës se Oso Kukës
Besoni gurët e dhembjes jetojnë
Të gjalla i ruajnë kujtimet e atdheut të ndarë
Me tutje nhjë hap eci aty të Tragjedia e Tivarit
Eh si të harrohen mbi 4500 çlirimtarë
Një ditë të tërë na duhet t'i numërojmë
Vallë a ishin edhe këta njerëz që erdhen para apo pas teje Adam
Apo vetëm pse ishin shqiptarë
Le të shuhet një herë e përgjithmonë udha e mëkatit
Ose vdekjen e kanë të sigurtë
Përandoritë e tyrë të hiqit
Në mbrëmje zbres në promovimin e Antologjisë krajane
Një jetë doktoresha Ganimete Hoxha ia fali Anës se Malit
Buzëqeshja e saj ishte shërimi më i mirë i krajanëve të Naimit
ADAM
Adam
Mos m'prangos
Më shumë n'dashni t'Evës
Deri n'diell kam m'u ankue
Zoti im ka me t'mallkue
Më thuaj njeri nga ne
Pafajësisht jemi të akuzuar
Nga mëkatet e urrejtjes
Me dëshirën e hyjnive
Dua të të mbroj
Nga kjo e ligë e stinëve
Me vapë t'liga
Acarët s'kanë më fuqi
Si nga kohërat e luftës se ftoftë
Ttë na urrejnë
Padretësisht të gjykuan
Për mollën e virgjërisë
Nga ai çast bota feston
Ditët e shejta të dashnisë
Të lira i kishim puthjet
Deri sa krijove demonë
Ç'të hynë në punë
Këta djajë të zi
Botën e prishën deri
Kur edhe mua e ty
Sa isha i lumtur kur erdha n'jetë
Apo nuk më falët uratën t'jetoj i lirë
E di n'sa ëndërra jetoj
E sa kryeneqe i kam
Më se vështiri e kam
Cilit t'i besoj
Kur më thoñë
Kjo është jeta e vërtetë
Rrugën deri të e bukura e detit
Me shpatën e Gjergjit
E kemi fitue
E ruajmë si sytë e ballit buzëqeshjen kur ajo na fal
E ngritim nëpër secilin brez
Duke i fal zemër dhe jetë
Për të bukurën e detit dhe të tokës
Kjo është dashuri e vërtetë
Mjaft derdhem lot në një Shqipni të zemrave të ndara
Adam ishe ti
Kur i mbijetova jetës venedikase
Ende pres pasaportën
Të tokës se premtuar
Na duhet serish t'bëhemi bashkë
T'i mundemi perandorët
Këta vrasës të dashurive hyjnore
T'i lemë fitoret brezave që vijnë
Të harrojnē gjuhën e urrejtjes
Nëse ekziston diku e lirë
PAK SHQIPNI NË SHQIPËRI
Sa herë m'duhet t'flas me Shqipninë e Fishtës
Për Shqipërinë e ilirishtës
T'qofsha fal mbretëresha ime
N'Shqipni t'vjetër kështu burrat t'kanë thanë
S'je ligështue kur pak Shqipni ta kanë marrë
Po sot Shqipëri cila më je
E ëndrrave t'mia kur për ty kam ba be
Apo po ik nga shqipja me krye n'dhe
Më thuaj n'besë Shqipni t'Zotit
A t'ka mbetë pak Shqipni t'Gjergj Kastriotit
Prapë Shqipëri t'qofsha fal
Me pak Kosovë tek ti dua me ardhë
N'shtëpi t'Fishtës dua me qëndrue
Nëse deri t'vi nuk ka me u rrëxue
Pak Shqipni dua ta gjej n'Shqipëri
Atë copë që më jep emër dhe m'rri n'zemër
Me t'cilën që nga fëmijëria më të jetoj dhe këndoj
Çdo ditë pi dhe ngriti gotën për pak Shqipni në Shqipëri
Eci me lutjet të më mbetët gjithmonë nanë
Kur burrat e dheut të quanin zanë
E SHKRUAR NË GJETH TRËNDAFILI
Sot dëshiroja t'jem poet
Të shkruaj në një gjeth trëndafili
Vargun më të bukur që yjet ma zbritën nga qielli
Edhe bilbil do të isha shndërrue
Aty ku zanat shujnë etjen
Të këndoj krue me krue
Në qiri t'Naimit nuk isha pendue t'bëj dritë
Më mirë të kisha pa buzëqeshjen n'këtë ditë
Sa isha me fat se më zgjuan cicërimat pranverës
Atje tek vargjet e Lasgushit sa mirë ruhen fjalët e bukura t'jetës
Betovenit kam për t'ia vjedhë simfoninë e nëntë
Ikja kaq e shpejt e kohës nëse është mëkati im
Sot isha mes flakës dhe dritës se diellit
Në mes besimit dhe gjuhës se bukur t' hyjnive dhe t'Naimit
Vetëm sot isha pa perandorë e demonë
Përballë hyjnive mësova të flisja gjuhën e tyre
Atë gjuhë që vetëm unë e trëndafili e dimë
Ajo e cila t'gjitha acarët i shkrinë
Ndoshta kjo gjuhë mua më fal jetë
Apo më ngritë një ditë n'poet t'vërtetë.
Ç'VAPË STINËSH
Mbi thatësinë e verës ç'vapë sot mbretëron
Plagët e tokës sërish u çanë
Shi s'ka as për lutje lulesh
Për atdheun askush s'qanë kokën
Shekuj m'i dëtyruan sytë t'shohin vetëm t'vërbër
Ç'fat kisha kur ecnim me Homerin
Në njërën nga njëqind beteja e shekullit n'vijim
A e nxjerrim Trojën time t'gjallë
Puthjet s'kanë dashuri
Nëse bota ka frikë nga e vërteta
Në një thatësi si kjo e jona
Vështirë që do të dashurohemi sërish
Apo do t'bëhemi përrallë si krejt bota
Ne jetojmë si dashnorë më të mirë venedikian
Mjafton të rritëmi si Serembe e Lasgushian
Krejt një është për ne e bukura e detit
Por mbetëmi çdo herë robër t'dashnisë pa fjalë
Nga brezat e mi e them
Kur gjysh e stërgjysh dinte të dashuronte më mirë se unë
Për pak i mbeta besnik shejtërisë se asaj fjalës
Jeto n'dashni t'shejtë dhe t'shtrejtë
Nëse dëshiron t'i dalësh zot atdheut si Promethe
Dikush do t'më thirrte më çmendurinë e t'paburrit
Nëjse kjo është bota e një rebeli
Që e peshon dhembjen e tjetrit me zemrën e vet
S'kam çfarë t'i shtoj vapës as jetës
Përmes fytyrës se të bukurës se detit
T'i ndjej plagët kurrë t'pashëruara
Dhe n'fjalën e shejtë mijëra vite kemi shkrue
Kujtimet që sot ruhen t'gjalla
poshtë dhembjeve titanikiane
PRAPASKENA
Ndër kundërshtime s'ban m'u ligshtue,mjerë ai që s'qëndron.
Luigj Gurakuqi
Hmmmë ç'fjalë më thuhen para syve
Mbrapa meje luhet teatër tragjik
Ja kush janë njerëzit me fytyrë
demonësh
Kur fshehen nën petkun e engjëjve
Cilët jemi sot të shejtë
Unë luftëtari i kufijve t'bashkuar
Apo ti varrëmihësi i trëndafilave
T' pranverës kryeneqe
Mos më dil kurrë para sysh as si korife
T'i njoh dëshirat puçiste t'padronve tu
Mbi shekujt e se vërtetës jetova pa jetë të Evës
Adam isha fund e krye
Ose me djajtë ende s'kam përfundue l
Luftërat botërore
Një herë jam dehur pse nuk besova
Se shekujt do t'më lenë t'vetmuar
Edhe pa shenja jete
Kështu ma dëshirojnë jetën demoniane
Ah çfytyrë ndal njeru për vete
Për të tjerët s'qanë fare kokën
Ndonjëherë harrojmë të bëhemi Promethe
Nuk është çudi që për fat të keq harrojmë edhe veten
E lere më atdheun që e paguam
Më shtrejtë se tërë yjet sebashku
Kam të drejtë të di për prapaskenat
Kur përgatitën n'kuzhinat korbiane
Qoftë errësirë apo dritë
Sikur kam të drejtë të di
Se a ruhet ende dashnia e Adamit për Evën
Në cilat udhëkryqe fjala ime ka mbetur e shejtë
Apo udhëtimin deri tek yjet çdo ditë dikush e varros
Mos ju besoni prapaskenave
Edhe nëse ato zbresin nga qielli
Jam i marrë po nuk u vetmbrojta
ga stuhitë titanikiane
Mjafton që kurrë nuk e tradhtova gjuhën
Që me fali jetë
Dhe pak nga dashuria për t'bukurën e detit
Sa i falëm vetes kur i që
ndrova besnik fjalës se shejtë
Të gjitha ferret i përjetova me mallin për të thënë
Ja unë jam i vetmi rebel i dashurisë për fjalën
Dhe një copë kujtimi për dheun e kësaj toke mëmë
Nuk flas më për dashurinë e heroinës
Nëse munda ta ruaj ndonjë kujtim për hyjnitë
Më mjafton t'i takoj një ditë dashuritë venedikiane
Aty ku ruhen kujtimet që nuk humbin kurrë
TRËNDAFIL NˊMUR TˊROZAFATIT
T'gjitha kujtimet mē çojnë n"kala t'Rozafatit
Me gurët e fatit tim u krijuan legjendat e saj
N'gji t'nuseve heroina shuan etjen
Kushdo që ia dëshironte rritën kalasë
Dhe nga ai çast trëndafilat
orën ngjyrë t'bardhë e t'kuqe
N'shenjë të luftërave dhe paqës
T' fisit tim pellazg
Rozafatit ia fala sytë e dashnisë
Aty e murosa fjalën time t'shejtë
Unë jetën e shndërrova në legjendë
Trëndafili fal vetëm aromë hyjnish
Ju ftoj t'merni pak nga trëndafilat e Rozafatit
Të dini se ku ruhet fati ynë luftarak
A e rëndojnë gurët e pafajësisë jetën tonë si popull
Askush nuk e thot se jemi t'vetmit mbjelles t'paqës n'botë
Na urryen për aromën hyjnore
Kur falin trëndafilat e kopshtit tim t'Edenit
Çuditën poetët për njerëzimin
Pse nuk çanë fare kokën për lirinë
U rrita me Fishtën
T'jetoj i lirë për Shqipninë
Ose ajo t'rri e bashkuar
Pa kufi që ndajnë zemrat
Edhe ashtu t'humbura nga faqja e dheut
Ah me mallin për pak aromë trëndafilash
A jetohet sot
Dhe t'syve t'bukur t'Rozafatit
Prej mbretëreshe
Nëse serish rikthehen hyjnitë
Udhën e kanë t'shtruar me gjethe trëndafilash
N'kala t'Rizafatit do t'i matin zemrat.
Cila nuk e harron dashninë e hyjnive
Apo kush shndërrohet n'hero
Të t'dashnisë se saj
HAMLETIANE
Pesë shekuj pas luftërave t'Gjergjit
N'sy t'lirisë
Erdhi UÇK-ja kombëtare
Me bekimin e perëndisë
T'zitë e ullirit e pamë për pak dritë dielli
Sa t'deshta Shqipni t'më bëhesh e vetmja perëndi
Ashtu siç dëshironin Fishta e Naimi
T'jesh një zonjë e randë ku zanat
t'quajnë nanë
Deri dje n'teatrin tim më ngjanin tragjeditë shekspiriane
Ku lojërat skenike luheshin kudo kah është fisi im pellazg
Ne luanim vetëm role t'para prej artistësh t'pafat
Teatri i demonëve ishte vënë me dekret mbretëror
Na duhej t'i aktronim oborrëtarët e perandorëve
dhe vetë Mbretin Demon
A isha unë i pafajshëm pse e luja mjeshtërisht Romeon
Ku në ëndër më rrinte teatri i Venedikut
Pafajësia e dashurisë për t'bukurën e detit
Dashuritë për Zhulietën më rikthyen në Promethe
Në një të krisur a rebel t'ferrit të Dantës
Unë Odiseu i Itakës përjetova lotët e ë bukurës
Të detit dhe tokës
Kur u zhduk ashtu si erdhi bashkë me erën
Teatri im krijoj heronjtë e Antikës deri në Durrah
Pak para Sofokliut( Sokolit)
S'm'i zë mendja cilët ishin regjisorët e drejtë as t'padrejtë
Se ca ndërronin ngjyrën e të tjerët fytyrën
Edhe sot e njëjta skenë luhet n'teatrin tim
Të njëjtat pamje po luhen mbi fatin e popullit tim
Një dramë me shumë akte tragjike e herë komike dhe krejt para syve t'mi
Deri kur duhet besue ëndrrave t'padrejta
Vallë a i shohin sytë e vërbër aktorët që luajnë n'teatrin tim t'jetës
Asgjë nuk më la nga dashnia
Për hyjneshën e dritës
Teatri im hamletian
PËR T'SHEJTËN E FJALËS
Cilës udhë t'i nisi sytë e mi
T'i bëhem botës kalorës i saj
Apo detin me shpatë t'Gjergjit ta çajë
A me Fishtën n'krua t'zanave t'kuvendoj
Për t'shejtën fjalë
Më shumë njerëz u bëra përrallë
Kur ia thash t'vërtetën n'sy
Nuk është tradhëtia burrëni për ty
Sa larg m'ka ikën fjala
Më fytyrë njeriu ma nuk mund ta zënë
Po hyre në një thes me djallin
Eh kësht ndoshta e rrëmben
Fjala e shejtë nuk vdes kurrë
N'Rozafat ajo ruhet nën secilin gurë
Ka Shqipëria burra e burrënesha
Kur ende pa ardhë n'jetë
Për atdhe e fjalë t'shejtë
Si heronj ata vdesin
Fjalën e shejtë gjyshërit kujtim ma lanë
Më thanë nëse vdes për fjalën
N'troje t'shqipeve kurrë armik s'do të gjen
Dhe besnik ju mbeta gjyshërve t'mi
Më secilin djall për fjalën luftova
T'më buzëqeshë fytyra një ditë n'liri
Nuk e di se s'kam pasqyrë
A m'lejon jeta ta shikoj veten njeherë n'fytyrë
Miqt dhe të tjerët n'jetë
Janë pasqyra ime e jetës
Që m'tregojnë për fytyrën e se vërtetës
Më cilën ngjyrë e pikturova jetën
Me t'bardhën a t'zezën
Ma thuaj me fjalën e shejtë
Me vargun e bukur edhe ti poet
Ç'KRISMË N'DRITAREN E MËSUESIT
-At Shtjefen Gjeçovit
Nga dritarja e mësuesit o Ati i shejtë
Ngrohtësinë e diellit e kisha jetë
Për besë sytë më shihnin më mirë
Vërbërinë e shekujve e vramë
Sa shumë të duam o At
Më sy tu e kemi pa si është t'jetohet i lirë
Më kokën tënde më është më afër mendja e Olimpit
Pesë shekujt e dreqit i mallkuam
Para se t'na vrisnin ne i vramë
Edhe ky shekull mallkimi do të vetëvritet
Do t'jetojnë 36 shkronjat shqipe
I kanë zanat t'shndërrueme n'muza t'poetit
Dhe vargjet për ty mësuesi im Shtjefen veç më lart ngritën
Gjuha jonë
Nuk vret
Nuk shanë
As nuk pret
Veç një ditë t'mallkon
Më zi se rëja t'shiton
Zllakuqan 16 Korrik 2019 AGIM DESKU
KUTIA E PANDORËS
Mos guxo të them të dua
E zgjon nga gjumi vullkanin Etna
Nëse them jetoj n'liri t'harruar
Çfarë ndodhë me atdheun e pa bashkuar
Dhe nuk guxoj t'flas as t'bërtas
Nëse lirisht shetisin demonët n'lagjen time
Fuqa s'ma lejon t'bëhem Idioti i Jeseninit
Gjuha e profetve m'ka lenë n'varfëri t'fjalës
Pse nuk u bëra kurrë bajloz i zi
Sikur t'isha një rebel i krisur
Tani me hënën do ishim udhëtar të diellit
Ecjen tonë e ndaluan secili perandor
Kur na u shtua njeri pas tjetrit
Dhe ende nuk e gjej çelësin
Për t'hap Kutinë e Pandorës
Dikur e kërkova n'lot
T'syve të Anamalit
E fajësoj veten
Pse i mbeta peng fjalë se dhënë
Se njeriu lind i lirë dhe n'liri t'jetoj
Nga porta e Justianit
Deri n'Kullë t'Prekazit
Erdhem si heronjë
Vetëm puthjet i shtuam më shumë
Seç kishim etje dashurie
Vrapuam para kalorësve t'atdheut
T'parët ishim ne me trëndafila n'dorë
T'i puthim çlirimtarët më shumë se lirinë
Me ta më afër e kishim tˊvetmen perëndinë
Sot atdhe po t'i fal lulet e mikes
Më vëjë mbi kurorën e fjalëve
Se të deshtëm më shumë se veten
Nëse m'i jep serish këto fjalë zemre
Do ta çeli Kutinë e Pandorës
Vdekja e botës se hiqit
Do të ndodhë
Për mëkatet që m'i vuri
N'kufi t'atdheut e t'zemrës
ME Ç'KUJTIME MBRETËROHEM
Nga një mijë e një netë t'jetës
Kam nga një mijë e një kujtim mbretëror
Ah ç'fat kur më janë trashëgim i brezave t'artë t'fisit tim hyjnor
Kur erdhem n'jetë ishte fjala që na pagëzoj
T'jetojmë të lirë o t'vdesim si heronj
Këtë herë n'varg vi si çlirimtar
Krejtë jetën e shndërrova në heroinë
Më mirë se askush më mësuan rrudhat e ballit për historinë
Nuk vdiça para asnjë ferri ashtu siç ma donin vdekjen
Eca tej përtej tehut të shpatave
Fal Homerit dritë e diellit e kisha udhën se lirisë
Më dëtyroj jeta të bëhem i dehur
Por kurrë nuk e pranova çmendorinë e djallit
Dhe sa herë të krisur më bënë demonët
Por kurrë fisi im nuk mbajti zi
Dymijë vjet prita t'më pagëzoj Abrahami me emrin e heroit tim
Të tokës sime,të zjarrit tim mbretëror
Dhe sot jam këtu ku jam fal teje o Gjergj Kastrioti
Jam këtu fal mbretërve që i falëm botës
Jam këtu fal zanave të malit që na rujtën tokë e gjuhë
Jam këtu dhe do të jem
Derisa t'këtë diell n'qiell
N'tokë liri e drejtësi
Pa kufi zemrash e emrash
Jam këtu për t'vërtetën e çlirimtarëve
Për dashuritë titanike që s'mbarojnë kurrë
Jam këtu për Shqipninë e Fishtës
Ah edhe për pak vargje t'Serembes e t'Lasgushit
Jam këtu për ty heroinë kur m'shndërrohesh n'varg e n'vi
Jam këtu pa pikë e presje e vetmja më je ti
Ç'LUFTË U NIS PËR SY T'U
Fishtiane
Plagë gjogu ç'm'u bëre Gjergj Elez Ali
Kur t'shalova ty atki
N'shtatë bjeshkë t'Jutbinës për ty dashni t'mrri
Nuk m'dha afat ma shumë zani i zmrës
T'nisëm pa humb kohë
A ta shtjerri secilin lumë
Udhëve t'mia t'pafund
Nise luftën gjogu im
Fluturo mbi shtatë qiej
Kthema Anën e malit prapë n'dashni
N'dash po t'bahen Bajloz i Zi
T'prej me shpatë e t'luftoj dhe ty
Kohë ke shtatë breza t'mi
Ose ma për gjog nuk t'njoh ty
Dua Ajkunën ta rikthej n'këtë dhe
Ose u bëra Promothe
N'dorë t'huaj nuk t'la dashni
Edhe po u bëra korb i zi
Ah Ajkunë shumë herë t'vranë lotët e mi
N'krua t'zanave kur t'i pava sytë
N'mes meje e perëndive nisi lufta fyt m' fyt
Ajkunë kam më t'përbe n'plagë Shqìpnisë
Çaje detin me shpatë t'shpirtit
Ringallma dashninë për ty e atdheun
O t'përbeva n'Skendërbeun
N'besë t'zanave t'kam vizatue
Nise luftën n'dash shpirtin tim me ma çlirue
Ah Ajkunë kuku për mue si nuk dita mirë kurrë më t'knue
DET O DET
Erdha ta shoh me sytë e mi të Bukurën e detit
Nëse je ti deti i legjendave
A janë ende bajlozët sundimtarët e tu
Kam jetue me mallin e heroit tim Gjergj Elez Alisë
Plagët e ti më kanë ngritë në qiell herë në dhe
Sa i vjetër qenke o det
Sa vetë dhembjet e motrës se Gjergjit
I thellë edhe sa fundi i Titanikut
Bashkë me simfonitë e Betovenit
Jeto pra n'sytë e kaltër t'mi
Sa m'i ngjanë buzëqeshjes t'mikes sime t' jetës
Tani e kam t'vështirë t'le t'vetëm
E ke fjalën e shejtë për të cilën do t'fundosem
n'fundin tënd t'pafund
Para ikje se vapës o det im
Tre ditë Venediku borxh m'i ke
N'parajs a n'ferr t'i kam kujtim
Kam dashtë me t'gjetë t'gjallë Itakë
N'Valdanos aty ku emrin ta kanë ndërru
T'pashpirtit he qofshin mallku
T'kam dhanë fjalë e t'kam ba be
Nuse Kosove t'Bukurën e detit
Me vete sot kam me e marrë
N'atki t'bardhë me ia dergue
Se Gjergj Elez Alia e pret t'gjallë
JETOJ N'FJALË T'HYJNIT TIM
Që kur isha fëmijë u
U nisa të di cilët ishin udhëtarët e parë të rrugës Via Egnatia
Nëse kjo rrugë ishte pengmarrja e frymës sime
Të gjitha udhëkryqet me çonin në Itakë( Ih toka ime)
E kërkova ta takoja kryezotin e zotnave të rrugës Via Egnatia
Më thanë nga legjendat se edhe vetë Zeusi ishte zënë peng i zotnave të vet
Nga ajo kohë hyjni im u shndërrue në Homer të ri
Ah,ç'dashuri ia vërboj sytë e tij bojë qielli
Apo heshtja pse s'kishte fuqi të fliste të vërtetën për fjalën
Ia mësova të vërtetat e Evës
Asgjë të fsheftë nuk kishte nga bota ime e dashurisë
Sa e bukur kur dashurojnë fluturat më zemër
Me jetën e Homerit u pajtova
Se nuk kishte sy për ta thënë të vërtetën e vet
Ika për ta lënë veten te qetë
Të jetoj i lirë n'fjalë t'hyjnit tim
Më rëndojnë shumë mëkate
Nga dashuritë e bëra grimca atomi
Deri të atdheu i lënë n'fatin e zotnave t'huaj
UNË KALORËSI I FJALËS
-Urime festa Amerikë
Që dymijë vjet jam kalorës i fjalës
nuk janë shumë as pak kalërimi im
Bashkë me Adamin e nisëm jetën në tokë
Në fillim krijuam mbretërinë e fjalës
Dashnorë të parë të zanave
Peng i fjalës mbetëm për të krijue zotnat tonë
Edhe sot jemi në kërkim të dimë
Cili është Zoti ynë
Kush na vjedhi gjuhën e ti
Pse sot nuk e flasim të njëjtën gjuhë
Me mijëra pyetje i kam për Hyjin tim
Nëse isha krijesa e parë në tokë
Ç'tê duheshin demonët kur i krijove
Po perandorët që deshën të më zhdukun
nga faqja e dheut
Më thuaj Hyji im
cili nga ju m'i bëri kufijtë e zemrës
dhe të tokës
Ah ndjesë pastë babi im
më thoshte se Zoti im është fjala
dhe toka
Për të dyjat fisi im dha shumë
I rujti dhe u sakrifikue
Sot jam i lumtur
nëse e gjej Hyjnin tim të fjalës
T'i falëm nëse na bekon
për dashuritë venedikiane
Për tokën s'kemi nevojë për lutje
Jemi vetë kalorësit e saj
POPULLI IM I LUFTËTAR
As me sulltana e më pak me mjerana
Populli im nuk u lodhe kurrë
Për atë dashni që barabar me atdhe
E pate n'mendje e n'zemër tënde
Luftëtar prej që shkruante në bibel
Edhe para lindjes se Gjergjit
Jetonim si qytetarë të parë të tokës e Durrahut
Populli im i mirë në dëshirat tua mbete peng i besës
I harrove betejat dymijë vjeçare që kurrë nuk të çmenden
Asnjëherë nuk ndërrove fe as emër për cilindo atdhe
Për Shqipërinë e Pashko Vasës jetove deri tani
Çfarë po ndodhë me ty populli im i mirë
A kanë luftëtarët faj që vdiçen njeri pas tjetri për këtë dhe
Cili popull në botë do të jetonte më shumë nëpër gjithë këto beteja
Sa jetove ti populli im i mirë e krenar për fuqinë e perëndive
Edhe në ëndërra e gjithë bota do të kishte çmenduri ferri
Nëse fatet tua do ta përcjellnin edhe secilin hyjni
Të qofsha fal populli im luftëtar
Krenaria e tokës se shqipeve që nga Adami
Pirro deri të kreshnikët e Prekazit
Ah sa e lumtur është toka dardane pë kolosët e saj
Lumë ke e ka brenda
Do të thoshte këngëtari popullor
Ibrahim Rugovën e Adem Jasharin
Me shtatë zemra
LAMTUMIRË LUFTËTAR
Nga betejat qëndruan burrërisht
Histori e dhembëshme
Nëse ikun pa lamtumirën e atdheut
Çdo ditë ikun nga jeta
Po aq edhe sa vetë liria
Nuk me shlyhet zëri i tyre
O zënia pritën dhe kalle armikun
Çfarë po ndodhë me luftëtarët e atdheut
Përse ikun pa lamtumirën e lirisë
Ah,nuk e them vetëm unë
Edhe sa vite na duhet t'i vëjmë gurët e kufijve tonë
Ne këtu ishim pa kufi
Pa dhembje e pa plagë për njeri-tjetrin
Në befasi u zumë peng t'bukës sonë
Nuk kishim armiq as dëmonë
Kurrë s'kemi dëgju për perandorë
Historinë tonë na e shkruan të tjerët
Nuk na falën mëkatet dje as sot
Nëse me shpirt luftëtari nuk e rikthejmë emrin tonë
Të mos i mbetëmi serish peng pesë shekujve të ferrit
Ose të jetojmë në dritën e luftëtarve
Ose na mbuloftë gjumi i ferrit
Në dorën tënde është të zgjedhësh fisi im i mirë.
NˊYLL DAVIDI MˊRRITI NËNA MUA
-Këtë poezi ia dedikoj vajzës sime Arlindës në ditëlindjen e saj të 35
Nˊgjuhë tˊzanave mˊkëndoj nëna
Vetëm kjo heroinë e dinte se kush jam
Nga vie dhe për ku jam nisur
Cila tokë i takonte Prometheut të saj
E pyeta Evën dashurinë e parë
Në mijëra kujtime të fëmijërisë
Jetonim unë ,nëna me Yllin e Davidit
Ngrohëshim më fjalët e bukura
Për lirinë dhe për pak dritë dielli
Ah,ç'u zura peng për sytë e bukur të Evës
Më besoni as me murët e Rozafatit nuk i ndërrova
Aty ku e krijuam emrin tim pellazg Agim
Bashkë me Yllin e Davidit luftëtarin e rritës sime
Shekujt i lamë të çmendën
Para ose pas perandorëve të tyre
Jetën e shejtë tani ma krijuan zanat
Tokën time e pyes kur ia shijoj aromën e lirisë
Kujtimet për të bukurën përqafoheni nga dielli
Unë çdo ditë flas me tokën e detin
Tˊi rikthej kujtimet e se kaluares
I ngriti në mbretëri të shejtëve
Besoni edhe ju si unë Yllit t'Davidit
Ai më rrinte pranë djepit tim
Fëmijërinë e jetës sime e gëzonim bashkë
Derisa erdha n'kohën e burrërisë se Preometheut
Më mirë pyetni gjyshët e kësaj toke
Zanat e malit i kemi dëshmitar të rritës sonë
Më cilat dashni tˊshejta
Ngjajnë sytë e bukur t' fisi t'im
PËR BESË KAM MË T'DASHTË
Nëse sonte as ëndërr nuk të shoh
Mos më eja as më mëkate të urrejtjes
Kam më t'dashtë për atë besë kur ma ke fal
Nga ajo ditë fyryra e jote prej mbretëreshe
më rri ëndërr më shumë se mall
Në çdo kohë i falëm atdheut
Kur çdo ditë krijoj kala prej gurit
T'kam dhanë fjalën e burrit
Kam më t'dashtë me gjuhë t'Prometheut.
Unë më ty krijova t'vetmën histori
T'krahasova më secilën mbretëri
Aq sa e dua atdheun
Për besë kam më t'dashtë edhe ty
Edhe kur shkruj vargun që më fal jetë
E di kur nga hyjnitë
u shndërrove n'muzë të vërtetë
Në legjenda thuhet për qiellin
Veç një herë hapet për dashuri t'besës
Sa mëkat që s'kam lind në atë kohë t'legjendave
Kur fjala ishte fjalë dhe dashuria nuk ishte përrallë
Sot më bëhet sikur e jetoj kohën e legjendave
Kur fjalën e ruaj si kujtim zemre e jo si përrallë
KRUSHQITË E PAJTIMIT
Si ta zgjojmë Anton Çetën
Apo kohën e ti të pajtimit
Kur sot e njëta koha thërret
për ty bacë
Më thuaj bacë nuk ishte mëkat
falja e Hamzajt nga Gjergji
Për tokën e shqipeve që na lanë kujtim
Edhe të vdiset nëse zotnat e thonë
S'kam për t'i thënë askujt ma
Vetëm nëse lind ndonjë Gjergj i Ri
Pa nipër si Hamzai
as si pushtetarët e tokave shqiptare
Nuk ka kohë të pret atdheu
Derisa ne t'i mprehim shpatat për njeri-tjetrin
Rreth e rrotull rreshtohen Bajlozët e Zi
Nuk lanë shqip dru as gur e lere ma flamur kuq e zi
Dikur ishim rojtarët e njohur të fytyrës dhe nderit
Ballëhapur jetonim edhe pse ishim peng i dreqit
Sot nuk e kuptoj lirinë me hile ndaj njeri-tjetrit
Përse nuk jetohet i barabartë në tokën e shqipeve
Kur Zoti na krijoj vetëm për shqiptarët dhe Shqipërinë
DHEMBJET S'JANË PLAGËT E MIA
Asit Fadil Vokrrit
Dhembjet nuk janë plagët e mia të fundit
Ato i ruaj për secilin varg kur më vie koha ime ndaloj t'i shkruaj
Po i kam fjalët që s'dinë të fundosin
asnjëTitanik
Më kishte marrë malli t'i dëgjoj simfonitë e Betovenit
Atëherë kur ushtarët e lirisë thyen gurët e Kosharës
Liria ime u bashkuan me tokë e qiell të ri
Deri të zjarrët e ferrit u bëra edhe unë Gandi i ri i Kosovës
Hoqa dorë nga udhëtimet e pafundme rrugës Via Egnatia
Mjaft më bëri të dehur kjo rrugë e marrë
Nuk dinim në fillim në ishim njerëz të tokës a djajë të krisur të Hiroshimës
Për pak sa dola nga epruvetat e shekullit 21
Opëracionet e kafkës sime bëheshin në kokat e minjve të shtëpisë
Lavdi për herojtë që s'janë ma në mesin tonë
Ata bashkë mie mësuesit kryen misionin e shejtë të atdheut