-Edhe mua Zoti m’fali
Torollak e kafshë e gjorë
Mbi kurriz ma vëjnë samarin
E kaloj këtë jetë me zor
Shpesh më shajnë, mirë e di unë
Se përzihem në çdo punë
Unë veshgjati t’ju them dua:
T’më shëmbëlleni, o njerëz, s’dua!
Nervoz bëhem për çudi
Kur si unë sillesh, njeri
E përzihesh në çdo punë
Prandaj dukesh krejt si unë
Madje shpesh dhe ma kalon
Kur përpjetë kokën e çon
Sa shëmti kur ul kurrizin
E të tjerët t’qesëndisin!