Vështirë dallohet diçka kur ngadalë ndryshon
Ndoshta as unë ndryshimin nuk e kam hetuar
Dhe bukuria jote e rrallë viteve sikur i reziston
Prej se në Dardani herën e parë të kam takuar
Atëherë poezinë nuk e kam pasur në axhendë
Nga bukuria jote zemra që ta fala frymëzohet
E për dashurinë nuk më pëlqen asnjë legjendë
Dashuria duhet të ndjehet, ajo duhet të jetohet
As thinjat e rrudhat s'më bëjnë përshtypje mua
Nuk dorëzohem edhe kur malli më fut në darë
E edhe më shumë se atëherë unë ty sot të dua
E të bukur të shoh ty mu sikur në ditën e parë.
