Shoqata për kulturë dhe art “Tradita” nderon me çmim Prof. Dr. Nebi Dervishi - Bota Sot
Shoqata për kulturë dhe art “Tradita” nderon me çmim Prof. Dr. Nebi Dervishi

Kultura

Shoqata për kulturë dhe art “Tradita” nderon me çmim Prof. Dr. Nebi Dervishi

Më: 10 qershor 2020 Në ora: 14:52
Prof. Dr. Nebi Dervishi

Shoqata për kulturë dhe art “Tradita”, në Edicionin VII me radhë të manifestimit kulturor “Lidhja na bashkon”, Çmimin kombëtar “Ali Vishko” për vitin 2020, ia ka akorduar Prof. Dr. Nebi Dervishit.

Ky çmim, jepet për vepër jetësore, kontribut të shquar dhe të arritura me rëndësi të veçantë në lëmin e arsimit, shkencës dhe kulturës shqiptare dhe të njëjtin deri më tani e kanë fituar: Prof. Dr. Avzi Mustafa (2015), Prof. Dr. Remzi Nesimi (2016), Prof. Dr. Tahir Zajazi (2017), Prof. Dr. Reshat Nexhipi (2018) dhe Xhemaledin Salihu (2019).

Këtë vit, pas shpalljes së konkursit, dhe shqyrtimit të propozimeve të arritura, Komisioni përkatës, i kryesuar nga Prof. Dr. Zeqirja Idrizi, vendosi që Çmimi kombëtar “Ali Vishko”, për vitin 2020, t’i ndahet historianit të njohur, Prof. Dr. Nebi Dervishit.

Profesor Dervishi aktualisht është ligjërues i rregullt në Fakultetin Filozofik në Universitetin e Tetovës dhe një nga studiuesit e personalitet e njohura të historiografisë shqiptare.

Pjesëmarrja shumëvjeçare dhe aktiviteti i tij në fushën e arsimimit në ruajtjen e kultivimin e traditës dhe veprimtaritë e ndryshme profesionale paraqesin segment të rëndësishëm në jetën dhe punën e tij të deritanishme.

Në opinion shkencor dhe profesional është i njohur si krijues i frytshëm dhe punonjës i palodhur i arsimit shqip.

Nga analizat e opusit të tij mund të shihen rezultatet që tregojnë zhvillimin e suksesshëm dhe të vazhdueshëm shkencor, gjatë disa dekadave si dhe aktivitetet e frytshme në fakultetin ku ligjëron dhe jashtë tij.

Shfaq komentet
comments powered by Disqus
Sot mund të lexoni Shfletoni kopertinat