Ti, liri... - Bota Sot
Ti, liri...

Kultura

Ti, liri...

Nga: Zymer Mehan Më: 28 qershor 2020 Në ora: 07:33
Zymer Mehan

1.
Ti je si buka
N'sofër që e qesim

Ti je si zjarri
N'vatër që e ndezim

Ti je ujë i pastër
Në verë i të eturve

Ti je kurora
E të pavdekurve

Ti je si vala
Si dallgë e detit

Ti je si yjet
Që ndritin qiellit

Ti je e bukur
Ngjyrë e ylberit

Ti je e ëmbël
Si buzëqeshje fëmije

Ti je më e shtrnjta-
Zjarr dashurie
2.
Për ty, liri
Jemi prerë e grirë
si cjapi te kasapi
Nga mizori e satrapi

Për ty, liri
Kemi vuajtur
në burgje e falanga
Të lidhur me pranga

Për ty, liri
Shtegtuam e rendëm
Maleve dhe brigjeve
Në foletë e shqipeve

Për ty, liri
Kemi qëndruar
Dhe kemi luftuar
Me pushkë në duar

Shfaq komentet
comments powered by Disqus
Sot mund të lexoni Shfletoni kopertinat