S'muj rri pa t'pa diell - Bota Sot
S'muj rri pa t'pa diell

Kultura

S'muj rri pa t'pa diell

Nga: Agim Desku Më: 5 korrik 2020 Në ora: 17:22
Agim Desku

S'muj të rri pa t'pa diell

Secilin çast të ditës

Kur e di se mbi yje rrijnë engjëjt

Aty ku është buzëqeshja e mbesës sime

Veç Erna di t'i falët diellit

Dhe e bukura ime tej detit

Për të cilën u shkruan mijëra vargje

Mijëra vjet lot u derdhen në tokë

Erna mirë që nuk e deshte botën

me hile as tinzare

As unë nuk i dua asnjërën

Asnjë poet nuk i do

E dua diellin

Edhe nëse jetoj i vërbuar

Se flaka e tij është

Sikur flaka e dashnisë sime

E fjalës

Që i mbeta peng

Deri në vdekje

Erna për ty

Dhe të bukurën e dheut

Do të fal jetë

Nga jeta ime

Ëndërr

Nga ëndrera ime

Shpresë

Nga shpresa ime

Kur jetoj

Me lirinë e saj

Po Erna

Ti ike

Për tu bashkur

Me të bukurën e detit

Për ta mbrojtur

Nga Bajlozët vrasës

Dhe tani ne jemi të lirë

Nga liria e jote

Buzëqeshim

Nga buzëqeshja

Që ti na fal

Jetojmë

Nga jeta

Që ti i fale

Edhe vargut tim.

A JE ZANË

Erna

A muj më t'thanë

Zanë

Apo je shndërrue vetë

në Hanë

Veç n'sytë e tu

dallova rritën

Për Ty

Dielli e fal dritën

Dua t'besoj

Se ma s'ka stuhi

Tani toka rri e qetë

Kanë më dalë lulet për ty

Bashkë me yjet

N'preher t'nanës

Ke më u kthy

Para derës rri në pritje

E mira nanë

Kur t'i kthehesh

N`Doruntinë

T'i çojmë vëllëzërit

Hypun mbi atkinë

Për më t'marr

Më të kthye n'shtëpi

N'parzmë të nanës

Më u çmallë

E di Erna

Që n'legjendë je shndërru

Sa më ngjanë në heroinë

Sikur Shotë Galica

Ke marr lavdinë

Bashkë me Rozafën

Atje mbi Shkodër

E ruani Shqipninë

Nga njëqind Bajlozët

Kemi më u ba

Edhe na luftëtarë

Për ty Erna

Edhe për Shqipni

Ndoshta pak është

Mu shkrumu n'zjarr e n`hi

T'kemi dhanë besën

Dhe fjalë të shejtë

Do të jenë brezat

Ata që të lexojnë

E dinë ku je

E shndërruar në hyjni

Kënga dhe vargu

Do të bajnë shoqëri

ME DIELLIN LINDE ERNA

Në një ditë me diellin

linde Erna

Kur ne u zgjuam

Ti ia more buzëqeshjen

dritës

Fytyra t'u kishte mbulue

me ngjyrat ma të bukura

të ylberit

Dhe piktorët

E dhanë fjalën

Do të pikturijnë

Ma mirë se Mona Lizën

Emrin tënd

Vashat e shqipeve

po ta çëndisin në flamur

Je bijë burrëneshe

Kështu ka luftue Ajkuna

Me Bajlozët e detit

Të njëjtën luftë e bajmë

Për të qëndrue në diell

Edhe sa herë duhet thënë

Je drita e syve të legjendave

I di Erna vërbëritë e botës

Tokës i duhet pak shi

Të rritën trëndafilat e tu

Të marrë veç unë aromë aty

Qiellit sot i duhesh

Yjet t'i numëron

A ka ma të bukur se ti

Nënës i duhesh sot

T'ia merr lotin

Janë mbushur lumenj e dete

Veç në vargun tim të lirë

Më banë dritë mbesa ime.

JU FALA YJEVE

Nuk është gjithçka e akulltë në jetë

Nëse themi së perënduan ëndrrat

Drejt yjeve është ngrit dritë e vërtetë

Për t'i shkrirë janarët e mbetur shkretë

Mbi re edhe diellin e paskan stolisë

Kur të bie shi ta ftojnë shfaqjen e ylberit

Me ngjyrat e tij e kanë zgjedh Ernen hyjëri

Edhe unë ju fala yjeve në këtë mbretëri

Të flas për ditët dhe vitet që vijnë në vijim

Lot vargu më dërgon për letrën e bardhë

T'i vëjmë kujtimet që na rrinë plot mallë

Sofrës së yjeve i falim buzëqeshje t'gjallë

Tani kur e di së cili engjjëll rri mes yjesh

Dua t'i ndajë kujtimet edhe me diellin

Asnjë dhembje të jetës nuk e la në tokë

Aromë trëndafilash të mbushet kjo botë.

NË SYTË E DIELLIT

Në sytë e diellit

E dini kush më rri

Kush ju dërgon ngrohtësi

luleve të prillit

Është një fjalë e bukur

me fytyrë të gjallë

E ruaj si relikt jete

në ma t'bukurën përrallë

Nga do që eci

e ngado që shkoj

Udhën për tek dielli

me zemër e përqafoj

Për besë Doruntine

Të kam dhanë fjalën

N 'varg hyjnish

t'kam e n'gjeth dafine

Ty t'i falim

Edhe ëndrrat më të bukura

Retë e bardha

t'sjellin veç gëzim

Në tokë më shpejt

vijnë pranverat tua

Ato lule

që ti i deshte

më t'i lanë në krua

Kur etja të merr

ti zbret bashkë me yjet

Ç'bukuri për tokën

kur vjen si mbretëreshë

Një vend në shpirt

ta rujmë he burrëneshë

Sytë e diellit

sërish të marrin hyjneshë.

UDHA E DIELLIT

Nëse ikën

fluturo si dallëndyshe

E di së sërish do t'i kthehesh

Folesë

Kujtimet e lena në gjysmë

të dalin para sysh

Nuk ke kah të ecësh

pa vargun e jetës

Ec

se udhën për të dielli

e ke të lire

Mos ju frikëso grimcave

të atomit

Nëse sytë e tu

takojnë flakën e ndezur

Është drita ime

që të ndriçon nga je nisur

Mos harro betejat

për fjalën e lirë

Lutjet që i bënim

për Shqipninë e mire

Askënd nuk e pyes

së ku gjendet jeta

Tek yjet tani

Mona Liza të dukët vetja

Fytyra sa bukur të ndriçon

në dritën e diellit

Shih si kanë çel lulet

e prillit

Të presin

t'i bësh kurorë nusërie

Dhe mbi gërsheta të flokut

sa të kanë hije.

RRI N'SHPI

S'kam pushue asnjë ditë

Nga ditët që rri n'shpi

E di brenda meje dikush më rri

Mbi diellin qëndron

Më lart se dielli është ngrit

Çdo ditë i fal tokës shi

Më pastaj diell e ngrohtësi

Fjalët që s'më vien në mend

Ajo m'i vënë në rëndë

E dini kush rri mbi diell

Asnjë flakë nuk e djeg

Në ylĺ është shndërrue

Me hyjnitë tani rri

E bukura hyri

Erna e di je ti

Veç Tanagres i ngjanë

Brezat një ditë do të thonë

Ishte edhe Marigonë

Për fytyrën shqiponjë

U ngrit të jetoj me flamur tone

Sa herë ngriti kokën lart

E di kush jeton në qiell

Një buzëqeshje e artë.

Rrr n'shpi10 maj 2020

FYTYRË DIELLI

Veç të bukurën e ndaj me jetën

Se aty e gjej lumturinë dhe të vërtetën

Nëse fytyra ime i ngjanë vërtet diellit

Atëherë e di kur çelin lulet e prillit

Të kam ba be Erna në jetë e fjalë

Në vargun tim ke me ndriçue si yll i gjallë

Atje ku diellin na e bën të na fal dritë

Me kujtimet tua flasim natë e ditë

Fytyrën prej trëndafili ta kanë marrë hyjnitë

Të pikturojnë të gjallë janë vënë piktorët

Janë nisur të të marrin nuse edhe dasmorët

Edhe poetët në ty e gjejnë frymëzimin

Tani edhe dielli e mori fytyrën tënde të bukur

Për t'i ngroh pikat e lotit

Kur e mbushin detin e zhdukur

Të mos i zënë acarët e dimrave të akulltë

Sot je ba më e bukur se Mona Liza

Sa hije të ka duvaku i çendisur

Me flamurin e Marigonës

U bëre shqiponjë e lashtësisë

Në secilin gur të lirisë

Dhe qielli është më i pasur

Për një yll ma shumë

Për një fytyrë engjëlli

Që ju bashkue engjëjve

Edhe zanat sot kanë dasëm

Nusen ma të mirë e marrin

Dhe pyesin

Cili është heroi

Që vjen më të marrë

Kur për herë të parë

Do të puth në ballë

Është Konstadini

Kur për ty është zgjue

Nga secila përrallë.

NËSE IKËN LARG

Nëse ikën sot Erna falja fuqinë fluturave

Një vend ta gjejnë për më pushue

Në Kopshtin e Edenit duhet më u ndalë

Dhembjet e ikjes me mue më i barazue

T'i di plagët e betejave për lirinë

Janë mbushur lumenjt e pikëllimit

Ka kohë që janë thye shkallët e durimit

Më s'ka vend as në detin e dëshprimit

Nëse ikën nesër diellit kam më i thënë një fjalë

Plagët e luftës sonë nuk janë sot, as nuk janë përrallë

Ka pesë shekuj që ferri na i ka mbulue

As liria me vite zemrat s'mundet më na i bashkue.

NË ÇMENDURI KAFSHIMI

Në heshtje e takova ashtin tim

I paskan kafshue mollat e ndalueme

Kur faqja e historisë sime u bë e hidhur

Edhe sy i verbuar i Portës së Jelisesë

Në Shen Stefan u çmenden shekujt

Heronjtë mbetën peng të lirisë

Më kafshuan cili zgjohej i pari i lirisë

Si s'më lanë pak tokë të pandarë

E kasha ndarë me miken time çame

Kur të kishim pushue në Kopshtin e Edenit

Në krojet e Ali Pashë Tepelenës n`Çamëri

E di si të jetohet në teatrin lakuriq

I urryer edhe nga dehja e vetvetes

Jam thyer nga qëndrimi im burrënor

Më mirë të bëhem kalorës venedikian

I dashur për puthjet që engjëjt na i falin

Më kanë qujtur palaço disa të pa fytyrë

Pse e rujta fjalën në muzeun e zemrës

Çmendurisht kohët luftojnë për të më urryer

Diellit i bëj lutje dritën kurrë mos ma ndal

Po nuk i pashë yjet herët çdo mëngjes

Për heroinën e luftës jam gati të vdes

Kanë vërshue lumenjt në sytë e tu Erna

Më kanë pushtue thellësitë e Titanikut

Më urrejnë pse fjalës i qëndroj n'besë t' mikut

Po ia kthej tokës borxhin që më fali për yjet

T'i them diellit të mos ma fikë dritën veç sonte

Edhe unë të digjem siç është bërë hi bac Ademi

E di se nëse ulëm këmbëkryq Natën e Zjarrtë

Plisin e Gjergjit do ta shohësh në kokën e Prometheut.

Sot mund të lexoni Shfletoni kopertinat