Në mëngjes në mesditë
parakalonte sheshit në Prishtinë
Ali Podrimja
në mesin e njerëzve të tij
prej aty merrte me vete metaforat
Kosova-është gjaku im që nuk falet
Në mëngjes në mesditë
të shkallët e teatrit në Prishtinë
Ali Podrimja
në mesin e njerëzve të tij
sonte shfaqet drama e Kosovës
me autorin larg në Francë
Lum Lumi ëndrra e fundit
Prishtina dhe Ali Podrimja
sa na mungon vargu idhnak
sonte ndezim qirinjtë
për të bër dritë në shesh
për t`i parë më mirë
njerëzit e tij në mote
plaga nga kafshimi i qenit
Ali Podrimja zë i tokës
sonte na mungon me vargun
sonte na mungon metafora
kur merrnin thirrjen e qiellit
ushtari ynë kryengritës
për diellin e Kosovës.
