Një ditë do t'më gjesh
Në aromën më të bukur pranverore
Mbështjell me flladin më t' freskët të oqeanit
Trupin mbuluar me gjethet më të bukura të stinëve
Do t'më gjesh ulur në pragun e hënës
N'pëlhurë të çëndisur t'Penelopës
Duke thurur për ne mallin dhe kujtimet
Nën tingujt e Orifeut
Do të më gjesh edhe në netët e thella pus
duke ndezur për ty copëzash meteorësh
n'cepin më t'thellë t'shpirtit tend
E kur nata zbardhet
N'krah pulëbardhe do të kthehem
Të vi tek ti të mbështjell plagët e mallit tonë
me nektarin e brishtë të shpirtit
Gjithmonë do t'më gjesh !
Sa herë do t'më kërkosh
Do t'ringjallëm për ty
si feniks nga pluhuri i lotëve t'mij!
E buzëdjegur malli yt
Do t'ndahet n'mes dy trupash
N'mes dy shpirtrash
N'mes dy dhimbjesh.
AMSHIM
Në këtë muzg po të kërkoj
Mbërthe trupin me krahët tu
Eja pa trokitur,pa bëza
Eja se unë të pres
nën strehën e këputun të shpirtit tim
Nën qiellin e yjeve amëshor
Le të dergjem në prehërinë tënd
Si dergjen buzëshkrumbuarit në shketëtirë
Eja,amshim!
Se të pres në honin e hapur të shpirtit tim
Me melodinë e kangëve të pa këndume
Të stinëve të jetës
Eja se jam në hall e mall veç për ty
Amshim!
TË KËRKOVA
Të kërkova rrugëve t'qiellit
N'mes stuhish që shpirtin m'vran
Të kërkova brigjeve t`diellit
Atje ku afshi yt lotin ma thanë
Të kërkova mes valëve t'kaltëra
Puhizë malli kurrë s'mu shua
Edhe në vesën e mëngjesit
Shpirti im mbeti trazuar
Të kërkova n'mes dy botërash
N'mes dy trupash ,n'mes dy ëndërrash
Të kërkova por kurrë s'të gjeta
Emri yt peng i harruar.
Kemi lindur unë dhe ti
Në ditën ëndërrimtare
Unë dhe ti lindëm natyrshëm
Njeri në sferën qumështore
Tjetri në atë shterpë
Ti dhe unë ecnim në rrugën e Kumshtrit
dorë më dorë dhe numëronim galaksit
Sa herë ti dhe unë shikonim hënën
Ajo përgjakej atëherë ti dhe unë kafshonim buzët.