Do të çelin lulet
Kur të vish sërish
Gurgullimia e lumit
Prapë qetësinë do prish
Dhe zëri i gushëkuqëve
Prore do t’ buçasë
Kurrë në zemrat tona
S'do të ketë maraz
Në dallgët e jetës
Ti do rrish me ne
Porsi dallëndyshja
Në t'ngrohtën fole
Prore n' shpirtin tim
Je margaritar
Mbretëreshë n'timen zemër
Më i shtrenjti thesar
Kur të vish tek unë
Do të mbushem me gëzim
Dhe valle do t'hedhim
Deri në agim
Kur të vish tek unë
Lulja do të çel
Do t' ketë kuptim jeta
Pasha qiell e diell
Këngët do t'i këndoj
Do të shtrëngoj fortë
Të lumtur do të jemi
Bashkë në këtë botë