Shefi i grupit parlamentar të LDK-së, në një status në Facebook përkujton Smajl Hajdarajn duke e cilësuar si shembulli më i mirë se si punohet institucionalisht për ta ndërtuar shtetin dhe zhvilluar demokracinë.
Postimi i plotë:
Jeta dhe vepra e Smajl Hajdarajt ishte shembulli më i mirë se si punohet institucionalisht për ta ndërtuar shtetin dhe zhvilluar demokracinë. Kjo nuk ishte e lehtë sidomos në atë kohë, por Smajlin vështirësitë kurrë nuk e ndalën. Ai u bë deputet duke fituar me punë të ndershme besimin e qytetarëve.
Me përkushtimin dhe idealet e tij për liri dhe pavarësi, ai zuri vendin e merituar në historinë e lavdishme të shtetndërtimit. Me veprën e tij ka fituar përjetësisht respektin dhe admirimin tonë. Lavdi.