Nëse shpallet fajtor, ja me sa vjet burg mund të dënohet polici nga Drenasi - Bota Sot
Nëse shpallet fajtor, ja me sa vjet burg mund të dënohet polici nga Drenasi

Lajme

Nëse shpallet fajtor, ja me sa vjet burg mund të dënohet polici nga Drenasi

Më: 7 shkurt 2019 Në ora: 23:22
Vesel Veseli

Në lidhje me rastin e abuzimit seksual të së miturës në Drenas, Policia e Kosovës ka arrestuar policin hetuesin i cili është i dyshuar për pjesëmarrje në rast.

Zëvendësshefit të hetimeve të Stacionit Policor të Drenasit, Vesel Veseli, i dyshuar në lidhje me rastin, sot iu është caktuar masa e paraburgimit prej 30 ditësh, pasi dyshohet për keqpërdorim seksual të një 16 vjeçare.

Prokuroria Themelore në Prishtinë – Departamenti për Krime të Rënda ka caktuar masën e paraburgimit prej 30 ditësh ndaj të pandehurit Vesel Veseli për veprat penale: Keqpërdorimi seksual duket keqpërdorur pozitën, autoritetin apo profesionin dhe Ndërprerja e palejuar e shtatzënësisë.

Por, cili është dënimi që e pret të dyshuarin për kryerjen e këtyre veprave penale?

Avokati Besnik Berisha ka sqaruar hollësisht dispozitat ligjore në lidhje me këtë rast.

“Në rast se do të vërtetohet nga Gjykata se i dyshuari V.V. ka kryer veprat penale për të cilat dyshohet nga Prokuroria dhe për të cilat tashmë është caktuar masa e paraburgimit prej 30 ditësh, dënimi që mund të përballet ai për veprën penale “Keqpërdorimi seksual duke keqpërdorur pozitën, autoritetin apo profesionin është ‘nga 1 deri në 5 vite burgim’, ndërkaq për veprën penale ‘Ndërprerja e palejuar e shtatzënësisë, ai mund të dënohet ‘nga 1 deri në 8 vite burgim’”, është shprehur Berisha.

Gjithashtu Berisha ka shtuar se matja dhe lartësia e dënimit sikurse në çdo rast tjetër, edhe në këtë rast është në diskrecion të Gjykatës, e cila vendimin e saj e bazon në ligj.

“Sidoqoftë, matja dhe lartësia e dënimit sikurse në çdo rast tjetër, edhe në rastin konkret është në diskrecion të Gjykatës, e cila vendimin e saj e bazon në ligj, gjithnjë duke marrë parasysh edhe rrethanat personale të kryerësit dhe peshën e veprës penale të kryer”, sqaroi më tutje Berisha.

Rasti i rëndë i abuzimit seksual që ka ndodhur në Drenas, ka ngjallur reagime në gjithë Kosovën.

Një vajzë 16 vjeçare, dyshohet se ishte abuzuar seksualisht, nga mësuesi i saj dhe pasi ka shkuar në polici për ta raportuar rastin ishte abuzuar seksualisht edhe nga polici hetues.

E gjithë ngjarja kjo kishte përfunduar në shtatzëni të 16 vjeçares, e cila ishte detyruar të bënte abort.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...