Gjatë ditës së djeshme janë bërë 20 vjet nga masakra e Izbicës, e cila tronditi gjithë popullin anë e mbanë botës, përveç kriminelëve serb, të cilët me në krye kryekriminelin dhe kasapin e Ballkanit, Sllobodan Millosheviç vazhduan masakrat në Kosovë.
Në masakrën e Izbicës, u vranë 147 shqiptarë të Kosovës.
Në këtë video të publikuar në rrjetet sociale, shihen të masakruarit e lënë për tokë, nga çetnikët serbë, shkruan gazeta "Bota sot".
Në datat 25, 26, 27 mars të vitit 1999, UÇK-ja bëri rezistencë heroike ndaj forcave serbe, ndërsa më 28 mars ndodhi masakra e Izbicës në Skenderaj.
Më 28 mars 1999, forcat serbe vranë dhe masakruan mizorisht 147 veta.
Masakra e Izbicës zë vend edhe në raportin e Departamentin të SHBA-së. Atë kohë u publikuan edhe fotografitë e bëra nga sateliti, në të cilat qartë shihen 147 varrezat e reja në Izbicë.
Pas masakrës, kufomat e të vrarëve, i varrosen fshataret e kësaj ane në fshatin Izbicë, mirëpo, forcat serbe, i zhvarrosin kufomat e të pushkatuarve, duke i dërguar në lokacione të ndryshme në Kosove e Serbi.