Kryetari i Republikanëve të Kosovës, prof. Faton Kurti thotë se, tre liderët kryeministri Edi Rama, presidenti i Kosovës, Hashim Thaçi dhe ai serb, Aleksander Vuçiq janë kapur me presh në duar.
Sipas tij, këta tre liderë, kurrë nuk do të ndalen së hequri dorë nga ideja për ndarjen e Kosovës.
Ai shprehet, në një postim në Facebook se, drejtësia nuk do të vonojë për këta tradhtarë të kombit.
Ja postimi i plotë:
TRE "LIDERËT" VUÇIÇ, RAMA DHE THAÇI TË KAPUR ME PRESH NË DUAR!
Përderisa këta të tre mbesin në postet e tyre - këta kurrë nuk do të heqin dorë nga ideja për ndarjen e Kosovës, vetëm për të mbetur në pushtet edhe pse një ndarje eventuale e territorit të Kosovës do të sillte prap luftë dhe shkatërrim në Ballkan.
Kurrë më parë nuk ka ndodhur që shqiptari ta nxjerrë në pazar, tokën e larë me gjak të të parëve.
Drejtësia nuk do të vonojë për këta tradhtarë të kombit.