Pasi e quajti dje të pashkollë dhe se gjoja Shaqiri nuk dinte të bënte dallimin ndërmjet asaj se çka është shqiptare e çka arabe, sot filozofi Blerim Latifi ka një sqarim për mediat që publikojnë qëndrimet që ai shpreh në llogarinë e tij në Facebook.
Ai thotë se ‘tekstet në këtë rrjet social, nuk shprehin qëndrime zyrtare e as pozicione partiake apo institucionale”.
Ky është sqarimi i plotë i Latifit:
Sqarim për redaktorët e portaleve
Të nderuar redaktorë të portaleve!
Kur dëshironi që t’i publikoni tekstet e mia, të cilat i postoj në profilin tim në facebook, keni parasysh këtë fakt: këto tekste nuk shprehin qëndrime zyrtare, as pozicione partiake apo institucionale. Ato shprehin vetëm pikëpamjet e mia personale dhe bindjet e mia filozofike. Prandaj, kur t’i botoni duhet ta merrni parasysh këtë, në mënyrë që të jeni korrekt me autorin e tekstit që e publikoni dhe të dëshmoni sadopak se puna që bëni është serioze dhe profesionale. Ju faleminderit!