Presidenti i Serbisë Aleksandar Vuçiq do të takohet përsëri me të dërguarin special të Shteteve të Bashkuara të Amerikës Metju Palmer në dhjetë ditë e ardhshme, shkruan “Novosti” përcjell “Bota Sot”.
Palmer dhe Vuçiq do të takohen në ditët e ardhshme si janë marr vesh në bisedën telefonike që kanë zhvilluar sonte.
Vuçiq gjatë bisedës që është vazhdim i takimit t mbajtur kohë më parë në Nju Jork, ka përsëritur se Serbia angazhohet për arritjen e kompromisit real dhe të qëndrueshëm në zgjidhjen e çështjes së Kosovës dhe mbrojtjen e interesave të serbëve të atjeshëm dhe ruajtjen e interesave kombëtare serbe.
Të dy bashkëbiseduesit kanë biseduar edhe për situatën e përgjithshme në regjion, dhe janë pajtuar se paqja dhe stabiliteti në Ballkanin Perëndimor janë me rëndësi jetike për përparimin ekonomik e politik të gjithë regjionit.
