Personat me këtë grup gjaku janë më të ekspozuar nga koronavirusi

Lajme

Personat me këtë grup gjaku janë më të ekspozuar nga koronavirusi

Më: 17 mars 2020 Në ora: 21:26
Foto

Personat me grupin e gjakut A (II) janë më të ekspozuarit ndaj koronavirusit, derisa ata me grupin zero më pak të rrezikuar, kështu të paktën është nxjerrë konstatimi i një grupi hulumtuesish kinezë të cilët punën e tyre e publikuan në ueb-faqen medRxiv.

Shkencëtarët kinezë kanë analizuar të dhënat e 2 mijë pacientëve nga spitalet e Wuhanit në Shenzhen, përfshirë edhe më shumë se 200 tjerëve që kanë ndërruar jetë.

Sipas të dhënave të tyre, në mesin e banorëve të Wuhanit, 34 për qind kishin grupin e gjakut 0, 32 me grupin A (II), 25 për qind me B (II) dhe 9 për qind me AB (IV).

Për të ardhur deri te këto të dhëna, shkencëtarët kanë analizuar gjakun e 3.700 banorëve të Wuhanit që nuk janë infektuar me koronavirus, transmeton telegrafi.

Në anën tjetër, numri më i madh i banorëve të infektuar me koronavirus në Wuhan, ishin ata me grupin e gjakut A me një total prej 38 për qind, derisa 26.4 me grupin B, 25.8 me zero. Numri më i vogël i pacientëve ishin ato me grupin e gjakut AB – më saktësisht 10 për qind.

Sipas kësaj, thuhet në hulumtim se personat më të rrezikuar janë ata me grupin e gjakut A, derisa ata me zero janë më së paku të rrezikuar nga virusi COVID-19.

E për të qenë të sigurt në teorinë e tyre, ata kanë bërë hulumtime në të paktën 398 pacientë shtesë nga Wuhani dhe Shenzhen, dhe në fund kanë marrë po të njëjtën rezultat.

Shfaq komentet
comments powered by Disqus
Sot mund të lexoni Shfletoni kopertinat