Polica e Kosovës ka njoftuar se janë gjetur dy trupa pa shenja jete, i një femre dhe të një mashkulli në një shtëpi në fshatin Vitomiricë në Pejë.
Në njoftimin e Policisë thuhet viktima femër së bashku me viktimën mashkull janë gjetur pa shenja jete, vdekjen e të cilëve e ka konstatuar mjeku.
“Në vendin e ngjarjes kanë dalë njësitë relevante policore dhe prokurori i shtetit i cili e ka cilësuar rastin. Në vendin e ngjarjes është gjete dhe sekuestruar një pistoletë dhe dy gëzhoja të fishekëve. Me urdhër të prokurorit trupat e pajetë të dy viktimave janë dërguar në IML për obduksion, rasti vazhdon të hetohet”, thuhet në raportin e Policisë së Kosovës..
Siç mëson “Bota sot” personi i cili dyshohet se ka kryer vrasjen, dhe më pas ka vrarë edhe veten është R.Berisha.
Ndryshe, R.Berisha para disa ditesh kishte ardhur nga Gjermania.