Profesori Universitar, Milazim Krasniqi, përmes një postimi të tij në “Facebook”, i ka reaguar Qeverisë Hoti duke i thënë se Hoti po vazhdon të na sjell mjegull lidhur me negociatat, transmeton “Bota sot”.
Sipas tij nuk ka kurrfarë shansi që Serbia ta njohë Kosovën, përderisa nuk e ka njohur në vitin 2008, kur edhe ka qenë nën presion, tash Serbia është shtet i rehabilituar dhe i konsoliduar në skenën ndërkombëtare e nuk ka kurrfarë presioni prej askujt për Kosovën.
Postimi i plotë:
Hoti po vazhdon të shes mjegull lidhur me negociatat. Po na kallxon kopalla. Sot po na thotë se “po hymë në fazën finale të dialogut e që ka kuptim vetëm me njohje reciproke në mes dy vendeve.”E kam përsëritur me dhjetëra herë: nuk ka kurrfarë shansi që Serbia ta njohë Kosovën si shtet të pavarur. Nuk e ka njoftë në vitin 1999, kur ka qenë e gjunjëzuar. Nuk e ka njoftë në vitin 2008, kur ka qenë nën presion të fortë. Ndërsa, tash Serbia është shtet i rehabilituar dhe i konsoliduar në skenën ndërkombëtare e nuk ka kurrfarë presioni prej askujt për Kosovën. Serbisë i duhet një “marrëveshje gjithëpërfshirëse obligative”, për të marrë më shumë fonde nga Bashkimi Evropian. Kurrgjë tjetër. Për anëtarësim në BE nuk është e interesuar, sepse i del problem me Rusinë. More, merrni vesh e hiqni dorë nga optimizmi infantil! (Njohje nga Serbia, për një qeveri që varet nga Lista Serpska!) More mësoni të jetoni në realitet, se na fiket!