Xhavit Haliti e quan qesharak Forumin e liderëve, shefat e partive i quan pronarë të subjekteve të tyre
Ish-deputeti i PDK’së, Xhavit Haliti, ka kritikuar nismën e kryeministrit, Avdullah Hoit, për takim me liderët e partive politike në të cilin ishte planifikuar që të diskutohej për rrjedhën e dialogut të Brukselit.
Haliti një nismë të tillë e ka quajtur qesharake, derisa ka aluduar se Hoti bashkë me krerët e partive të tjera politike po synojnë të përjashtojnë sovranin nga një proces i tillë.
Ish-nënkryetari i Kuvendit kryetarët e partive politike i ka cilësuar si pronarë të cilët shfrytëzojnë deputetët si makineri votimi, derisa i ka bërë thirrje Hotit që të raportoj edhe në Kuvend dhe tek presidenti.
