(E plotësuar) - Para pak çastesh ka përfunduar intervistimi tetë orësh i kryetarit të BDI-së, Ali Ahmeti.
Ai u intervistua në ndërtesën e EULEX-it në Prishtinë, ndërsa do të vazhdojë të merret në pyetje edhe ditën e nesërme.
Ahmeti po merret në pyetje nga Gjykata Speciale në cilësinë e dëshmitarit.
Nga kabineti i tij ende nuk kanë folur rreth këtij procesi.
***
Po bëhen rreth tetë orë prej kur ka filluar intervistimi i kryetarit të BDI-së, Ali Ahmeti.
Ky i fundit po merret në pyetje në cilësinë e dëshmitarit në objektin e EULEX-it nga Specialja.
Intervistimi do të vazhdojë edhe gjatë ditës së nesërme.
Qe tri orë po vazhdon intervistimi i Ali Ahmetit nga Specialja
Ish-pjesëtari i Ushtrisë Çlirimtare të Kosovës, Ali Ahmeti, i cili është edhe kryetar i Bashkimit Demokratik për Integrim në Maqedoninë e Veriut ka rreth tre orë që është duke u intervistuar nga Gjykata Speciale në Prishtinë.
Intervistimi i tij ka filluar në orën 9 e 30 të mëngjesit të së mërkurës, derisa intervistimi i tij po vazhdon ende.
Ahmetit ftesa nga Specialja i kishte shkuar në muajin korrik të këtij viti, derisa ai kishte shprehur gatishmërinë e menjëhershme për t’u paraqitur përpara Zyrës së Prokurorit të Specializuar.
***
Kryetari i BDI-së, Ali Ahmeti, është duke u intervistuar në cilësinë e dëshmitarit nga Gjykata Speciale.
Intervistimi i tij ka filluar në ora 9 e 30. Intervistimi i Ahmetit do të vazhdojë edhe nesër.
Intervistimi i Ahmetit është duke u bërë në Prishtinë ne objektin e EULEX’it.
