I dërguari special i presidentit të SHBA-së për bisedimet ndërmjet Kosovës e Serbisë Richard Grenell tha se marrëveshjet në fjalë nuk janë vetëm fjalë në letër, por punë për njerëzit, duke aluduar në marrëveshjen e sotme të re midis odave ekonomike serbe dhe kosovare për grupin punësues për zbatimin e marrëveshjes së Uashingtonit.
Nuk do të ishim këtu nëse nuk do të ishte presidenti Donald Trump, i cili besonte se mund të bëhej diçka ndryshe dhe që beson se ekonomi duhet të ketë në këtë vend, tha Grenell, duke theksuar se shteti nuk krijon vende pune, por sektorin privat, shkruan Danas.
Ajo që kemi bërë në Uashington është e madhe, por nuk është e tëra, ne duam që ju të mbani për fjale dhe që ajo që është në letër duhet të kthehet në vende pune masive, theksoi Grenell dhe u tha përsëri qytetarëve të Serbisë: "Mbanijeni mend fjalën tonë", transmeton Bota Sot.
Ky është delegacioni më i madh nga Shtetet e Bashkuara, që nga koha e Jimmy Carterit, dhe ne jemi këtu dy javë pas marrëveshjes nga Uashingtoni, theksoi Grenell, duke kujtuar marrëveshjen për normalizimin ekonomik nga 4 shtatori, nënshkruar në Shtëpinë e Bardhë.
Ju keni gjithë vëmendjen e qeverisë amerikane dhe Donald Trump është ai që tha: Le t'i kthehemi normalizimit ekonomik. Ajo që shihni është angazhimi i vërtetë i administratës amerikane, tha Grenell, duke falënderuar presidentin serb Vuçiq dhe kkryeministren Ana Bërnabiq, të cilët "vërtetë po bëjnë gjithçka në anën e Serbisë për ta filluar këtë".
Grenell tha që gazetarët politikë do të donin të shihnin punë nesër, por kjo do kohë. Këto janë sfida afatgjata dhe do të jetë shumë e vështirë të vendosësh procesin përsëri në shishe, theksoi ai.
Ambasadori i Shteteve të Bashkuara të Amerikës në Serbi, Anthony Godfrey, vlerësoi se takimi midis përfaqësuesve të odave ekonomike të Serbisë dhe Kosovës në Beograd dhe përfaqësuesve të administratës amerikane është një shenjë e fuqisë së marrëveshjes së Uashingtonit, e cila u nënshkrua në Shtëpinë e Bardhë.
Godfrey vuri në dukje se përfaqësuesit e dhomave arritën një marrëveshje të re mbi formimin e një grupi të përbashkët pune në mënyrë që të zbatojnë pjesë të marrëveshjes, të përmirësojnë komunikimin, tregtinë dhe të përmirësojnë standardin e jetesës së njerëzve.
Kryetari i Odës ekonomike të Serbisë, duke falënderuar amerikanët "për ndryshimin në qasjen për zgjidhjen e roblemeve shumë të vështira, dhe me sukses, tha se marrëveshja nga viti 2013 përfshinte një marrëveshje midis dy odave për eliminimin e problemeve në jetën e përditshme, dhe tani ne kemi rënë dakord për formimin e një njësie pune, një ekip, i cili do të monitorojë përmbushjen e marrëveshjes nga Uashingtoni.
Kryetari i Odës Ekonomike të Kosovës, Berat Rukiqi, vlerësoi se është e rëndësishme të jesh sot në Beograd, sepse pas një kohe të gjatë, mund të flitet për punë këtu dhe në Prishtinë, dhe jo më për politikë.
Ne jemi këtu për të mbështetur marrëveshjen e Uashingtonit për ekonominë e të dy vendeve, tha Rukiqi dhe vuri në dukje se ekipi i përbashkët do të monitorojë përmbushjen e projekteve në fushën e infrastrukturës, dixhitalizimit, turizmit dhe transportit.
Në takimin në rezidencën e ambasadorit amerikan morën pjesë gjithashtu Grenell dhe drejtori i Korporatës Financiare të Zhvillimit Ndërkombëtar Amerikan (DFC), Adam Bohler.
Bohler prezantoi punën e organizatës së tij, duke deklaruar se ai erdhi në Beograd me një grup prej pesë agjencish, me fuqinë e plotë ekonomike të qeverisë Amerikane.
Kjo është deklarata e parë e përbashkët e Serbisë dhe Kosovës, dhe unë dua të vlerësoj guximin e të dy vendeve, Serbisë dhe Kosovës, për zgjedhjen e njerëzve në vend të politikës. Normalizimi ekonomik do të thotë investime dhe biznes, dhe kjo është gjëja më e rëndësishme, shtoi Bohler.
Kjo nuk është humbja e një vendi, por fitorja e një tjetri. Këtu, rajoni fiton dhe këtu paratë janë në xhepat e qytetarëve, tha Bohler.
I pyetur në lidhje me zgjedhjet presidenciale të SH.B.A.-së dhe nëse politika e tyre sipas kësaj marrëveshjeje do të ndryshojë në rast të një ndryshimi në krye të Shteteve të Bashkuara, Boehler vuri në dukje se investimet janë një ide amerikane, jo republikane apo demokratike, kështu që ai beson se të gjitha planet do të vazhdojnë si zakonisht.
Ne jemi të ngazëllyer për hapjen e një zyre në Beograd dhe nuk do ta kishim bërë nëse nuk do të ishte një proces i qëndrueshëm, shtoi Bohler.
Siç ishte planifikuar më parë, Grenel dhe Bohler do të takohen me presidentin serb Aleksandar Vuçiq dhe kryeministren Ana Bernabiq në ora 2 pasdite në Pallatin e Serbisë, kur pritet një konferencë për shtyp.
