Drejtori i të ashtuquajturës Zyre Serbe për Kosovën, Marko Gjuriq, gjatë ditës së sotme ka pritur në takim delegacionin amerikan të Korporatës Financiare Amerikane për Zhvillim Ndërkombëtar(DFC).
Në njoftimin e Zyrës së ashtuquajtur Serbe për Kosovën thuhet se Gjuriq e ka njoftuar delegacionin për kapacitetet bujqësore në Kosovë, potencialet e pashfrytëzuara industriale, mundësitë për zhvillimin e turizmit dhe rëndësinë e përmirësimit të bizneseve të vogla dhe të mesme që varen nga prodhuesit lokal në komunat me shumicë serbe në Kosovë.
“Gjuriq i kushtoi vëmendje të veçantë mundësive ekonomike dhe mundësive të biznesit në zonat me shumicë serbë në Kosovë”.
“Gjuriq ka falënderuar përfaqësuesit e DFC’së, dhe drejtorin e Zyrës në Beograd, John Jovanovic për gatishmërinë e tij për të investuar në ekonominë e Serbisë dhe Kosovës duke shprehur pritshmëritë që fuqia më e madhe ekonomike në botë do të kontribuojë përmes projekteve të ndryshme ekonomike në këtë pjesë të Evropës”, thuhet në njoftimin e Zyrës së ashtuquajtur Serbe për Kosovën.