Një veturë e tipit "Audi A4", ngjyrë e zezë po dyshohet se është vjedhur gjatë natës në stacionin policor në Mitrovicën e Veriut.
Vetura në fjalë është sekuestruar nga policia nën dyshimin se është e falsifikuar. Kjo veturë ishte sekuestruar ditën e premte nga Policia, por hetimet pritet ta zbulojnë se kur është larguar nga aty, pasi që alarmi se nuk gjendet brenda stacionit është dhënë sot në mëngjes.
Gjithashtu hetimet pritet ta zbulojnë se si ka arritur vetura të nxirret jashtë pasi që stacioni policor është i rrethuar dhe ruhet nga zyrtarët policor.
Lajmin e konfirmuar zëvendësdrejtori i Policisë Besim Hoti. “Ne e kemi iniciuar një rast, është njoftuar prokurori për këtë punë dhe jemi duke punuar në atë drejtim”, ka thënë Hoti.
“Ne e kemi sekuestruar një veturë nën dyshimin se është vjedhur, mirëpo diku pasmesnatës, nuk po dihet ende koha, sepse është duke u hetuar, është marrë-vjedhur parimisht nga një kryerës që është ende i panjohur. Ne normalisht, e kemi njoftuar edhe Inspektoratin Policor për këto veprime dhe së bashku me prokurorin janë në zhvillim e sipër”, tha Hoti.
