Avokati i popullit Hilmi Jashari tha se gazetarët nuk kanë siguri në Kosovë.
Një nga problemet me të cilat ballafaqohen gazetarët sipas Avokatit të Popullit është ai i mungesës së sigurisë fizike të tyre.
Në një intervistë ekskluzive për Emisionin “Drejtësia në Kosovë”, Hilmi Jashari, Avokat i Popullit ka deklaruar se raporti i publikuar nga institucioni që drejton ai dëshmon se gazetarët dhe mediat nuk kanë siguri.
Ai ka thënë se rastet e fundit të sulmeve ndaj gazetarëve janë një tregues që në Kosovë mungon siguria për gazetarët.
Sipas tij, institucionet e rendit dhe ligjit duhet të bëjnë më shumë për të garantuar siguri dhe trajtim më efikas të rasteve të kërcënimeve dhe sulmeve ndaj gazetarëve.
Avokati i Popullit tërheq vëmendjen për domosdoshmërinë e sigurisë së gazetarëve dhe efikasitetit të organeve të drejtësisë në ndëshkimin dhe parandalimin e çdo forme të cenimit të sigurisë dhe pengimit të ushtrimit të lirë të profesionit, si parakushte të ndërtimit të një shoqërie demokratike.
Intervistën me avokatin e Popullit Hilmi Jashari munda ta ndiqni në vijim./Kallxo.com/