Presidenti rus Vladimir Putin tha sot në një takim me homologun e tij serb Aleksandar Vuçiq se ata duhet të diskutojnë për situatën në Ballkan.
"Jam i bindur se është e nevojshme të diskutohet situata në rajon," tha Putin.
Ai ishte i kënaqur të theksonte se niveli i tregtisë midis dy vendeve po rritet, si dhe niveli i investimeve ruse në ekonominë e Serbisë.
Vuçiq tha më parë se ky është një nga takimet më të rëndësishme me homologun e tij rus, i cili, siç njoftoi ai, do të kërkojë mbështetje.
Takimi ndërmjet dy homologëve vazhdoi pas dyerve të mbyllura.
Ndryshe, ky është takimi i tyre i dytë këtë vit.
