Pranë Byrosë Kosovare të Sigurimeve po merret në pyetje Gani Thaçi, pasi dyshohet se sulmoi fizikisht drejtorin e BKS-së dhe drejtorin e kompanisë së sigurimeve Illyria.
Gani Thaçi, vëllai i presidentit Hashim Thaçi, dyshohet se ka sulmuar fizikisht dy persona në Byronë Kosovare të Sigurimeve.
Media raporton se Thaçi po mbahet brenda BKS-së, ku kanë arritur policia dhe po e marrin në pyetje.
Mësohet se në mesditë vëllai i presidenti Thaçi ka rrahur fizikisht drejtorin e BKS-së, Blerim Pushkolli dhe drejtorin e kompanisë së sigurimeve “Illyria”, Gianni Sokolic, i cili është shtetas slloven. Policia e Kosovës akoma nuk ka konfirmuar asgjë rreth këtij rasti.