Partia e Pavarur Liberale serbe, ka njoftuar se deputeti i Kuvendit të Kosovës dhe kryetari i kësaj partie, Sllobodan Petroviq është mbajtur sot katër orë e gjysmë në kalimin kufitar në Merdare nga pjesëtarët e Ministrisë së Punëve të Brendshme të Serbisë.
Sipas kësaj partie, zyrtari i MUP-it serb pas verifikimit të dokumenteve ka thënë se duhet t’i pres pjesëtarët e Shërbimit Informativ serb (BIA) nga Prokuplja.
“Pas dy orë pritje dhe arritjes së pjesëtarëve të BIA-s i është thënë se duhet të pres derisa të marrin përgjigje nga Beogradi se pse e kanë mbajtur”, thotë SLS.
Pas pritjes edhe për dy orë tjera, SLS thotë se Petroviqit i është thënë se mund ta vazhdojë rrugën pas ndonjë sqarim se pse është mbajtur në Merdare.
SLS kërkon nga përgjigje nga MUP-i i Serbisë dhe BIA se pse deputeti Petroviq është mbajtur në hapësirat e policisë, në Merdare, për pesë orë.
Partia e tij thotë se Petroviq shkonte në Beograd për festim familjar.