Poeti Lulzim Logu vjen me librin poetik “Akoma hiri im” në katër gjuhë - Bota Sot
Poeti Lulzim Logu vjen me librin poetik “Akoma hiri im” në katër gjuhë

Libra

Poeti Lulzim Logu vjen me librin poetik “Akoma hiri im” në katër gjuhë

Më: 6 dhjetor 2018 Në ora: 21:58
Poeti Lulzim Logu vjen me librin poetik “Akoma hiri im” në katër gjuhë

Poeti tropojas Lulzim Logu, autor i shtatë vëllimeve poetike: “Kohën e engjëllit” (Poezi. “Dardania”, Tiranë, 1999), “Hiri” (Poezi. “Kristalina KH”, Tiranë, 2002),  “Pinoku i qytetit magjik” (Poezi. “Kristalina KH”, Tiranë, 2002), “Koha vdes si zemër” (Haiku e tanka, “Egnatia”, Elbasan, 2009), “Krishti i harruar” (Poezi haiku. “Egnatia”. Elbasan, 2010), “Pikë mbi i” (Poezi haiku. “Vllamasi”. Tiranë, 2013), “Frymë në një kuti” (Poezi. “Blini”. Gjakovë, 2014), vjen me vëllimin e tij të tetë: “Akoma hiri im” (Poezi e poema të Zgjedhura) në katër gjuhë: shqip, anglisht, italisht e greqisht.

Kjo vepër e re shënon një tjetër arritje letrare të autorit Lulzim Logu në krijimtarinë e tij poetike dy-dekadore të botuar në Shqipëri e në Kosovë e, tashti, dhe në një vëllim poetik të përzgjedhur katërgjuhësh.

Lulzim Logu, në një kuptim të caktuar të realitetit poetik tropojas, është dhe “poet i poetëve”, pasi si poet dhe kryetar i Klubit të Shkrimtarëve të Tropojës i ka ndihmuar talente të reja poetike të trevës së tij poetike për të startuar e ecur në shtigje, udhë e lartësi poetike të kohës së sotme panshqiptare. Fryt dhe i punës së tij është dhe vepra voluminoze e cilësore “Antologji e poetëve të Malësisë së Gjakovës” (Bashkëautor. “Litografia”. Gjakovë, 2013) dhe ka në proces përgaditor “Antologji e Poetëve të Tropojës”. Gjithashtu, ka shkruar gjithato artikuj studimor, shënime kritike, esse, parathanie e pasthanie, recensa për vëllime poetike të autorëve të rinj e të njohur.

Vepër e punës së tij studimore është dhe “Tropoja – Enciklopedia e vendlindjes” (Bashkautor. Tekst shkollor. Botimet “Erik”. Tiranë, 2008).

Poeti Lulzim Logu vjen së shpejti tek lexuesit me romanin e tij të parë dhe një vëllim me tregime dhe novela.     

Rali LURA

Tiranë, 6 dhjetor 2018

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test