Loja në prani të të rriturit dhe me të rriturin fuqizon ndërthurjen mendje-trup

Life style

Loja në prani të të rriturit dhe me të rriturin fuqizon ndërthurjen mendje-trup

Më: 14 maj 2021 Në ora: 08:01
Ilustrim

Loja në prezencë të të rriturit dhe me të rriturin, i jep udhë zhvillimit psikoemocional duke e ndërthurur me zhvillimin dhe zhdërvjelltësimin trupor. Është pikërisht loja së bashku dhe në prezencë të të rriturit që fuqizon ndërthurjen mëndje-trup.

I vogli i njeriut po nuk luajti në prezencë të të rriturit, që ai ta nxisë e ti ruajë cilësinë e lojës, i vogli e ka shumë të vështirë të zhdërvjelltësojë atë përqendrim që i jep mundësi mendimit të arrijë atë stad pjekurie që zbut veprimin e furishëm të padurimit. Fëmijët po luajtën vetëm nuk e arrijnë këtë stad.

Në bazë të këtij principi është krijuar figura e mësuesit në shkollë apo e trajnerit në sport.

I rrituri është mbështetja dhe dëshmitari i fëmijës që ai është i zoti dhe që mund t’ia dalë.

Është i rrituri që e nxit fëmijën të shijojë atë që ka arritur e të vazhdojë më tej duke ruajtur masën për të mos prishur lojën dhe duke ushqyer sigurinë që po ja del të realizojë atë që dëshiron.

Shfaq komentet
comments powered by Disqus
Sot mund të lexoni Shfletoni kopertinat