Këshillat e gjyshes: Mos shko atje ku nuk të ftojnë!

Life style

Këshillat e gjyshes: Mos shko atje ku nuk të ftojnë!

Më: 15 tetor 2021 Në ora: 15:25
Foto ilustrim

Në këtë artikull, kemi vendosur t’ju sjellim në vëmendje disa këshilla, të konsideruara si “rregullat e edukimit të mirë”, të cilat vijnë prej një gruaje të moshuar.

Padyshim që eksperiencat në jetë të shtojnë urtësinë dhe sado intelektualë të jemi, përballë përvojave të jetës së dikujt, ne duhet të heshtim dhe t’i marrim parasysh mesazhet apo këshillat që na jepen.

Më poshtë lista me këshillat e gjyshes.

“Mos shko atje ku nuk të ftojnë. Nëse bëhen plane pa ty, është e kotë të shkosh kur të thonë në momentin e fundit. Dihet që nuk të kanë llogaritur, nuk ke pse shkon dhe u jep rëndësi.

Mos fol për gjëra që nuk i di. Sado të kesh dëgjuar nga të tjerët, nëse nuk e ke parë apo dëgjuar vetë një situatë, nuk ke si flet për të.

Mos u përfshi në gjëra që nuk të përkasin. Nëse diçka nuk ka lidhje me ty, është e mira të mos përfshihesh.

Mos e hap frigoriferin në shtëpinë e të tjerëve. Sido t’i kenë rrethanat të tjerët, nuk ke pse i vendos në siklet. Tek tjetri je mik dhe si i tillë duhet të sillesh.

Mos i telefono të tjerët pas orës 10 të darkës. Një telefonatë e vonë të trembe, ndaj mundohu ta shmangësh.

Mos shko të kërkosh dikë në orarin e drekës. Është e pahijshme, pasi sado i rëndësishëm të jetë problemi, nuk mund ta ngresh dikë nga konsumimi i ushqimit.

Mos hyr në dhomën e gjumit të të tjerëve pa leje. Nuk është etike të shkosh pa trokitur në një vend të panjohur, nuk është etike të hysh pa trokitur në një zyrë dhe aq më tepër në dhomën e gjumit të të tjerëve”.

Këto ishin rregullat e edukimit të mirë dhe vazhdojnë të jenë, sepse edukata nuk del asnjëherë nga moda.

Sot mund të lexoni Shfletoni kopertinat