Çfarë bëjmë para gjumit? Sado që dëshirojmë të themi se meditojmë ose shkruajmë, shumë prej nesh duhet të pranojnë se këto aktivitete të mrekullueshme para gjumit nuk janë pjesë e rutinës sonë të natës. Sipas një sondazhi, rreth 4 deri në 10 amerikanë marrin telefonin e tyre në shtrat.
Kjo është shqetësuese sepse koha që kalojmë në ekran pak para gjumit është treguar se zvogëlon prodhimin e melatoninës dhe dëmton cilësinë e gjumit. Por, ekziston një metodë e vjetër argëtimi që mund të përmirësojë zakonet tuaja të gjumit.
Siç rezulton, leximi i një libri mund të jetë “ilaçi” që ju nevojitet nëse nuk mund të ndaloni së menduari për problemet e përditshme.Sipas një studimi nga Universiteti i Sussex, vetëm gjashtë minuta lexim reduktoi nivelet e stresit me 68%.
Por përveç reduktimit të stresit, leximi para gjumit mund t’ju japë gjithashtu një nxitje krijuese shumë të nevojshme. Megjithatë, nëse nuk jeni gati t’i përkushtoheni një libri, mund të provoni të lexoni artikuj më të shkurtër revistash.
