Zoran Zaev: Ne dhe grekët duhet të jemi krenarë, shmangëm konfliktet - Bota Sot
Zoran Zaev: Ne dhe grekët duhet të jemi krenarë, shmangëm konfliktet

Maqedonia

Zoran Zaev: Ne dhe grekët duhet të jemi krenarë, shmangëm konfliktet

Më: 28 janar 2019 Në ora: 12:19
Zoran Zaev

“Qytetarët e vendit tonë dhe të vendit mik Greqisë mund të jenë krenarë sot. Kjo është gjenerata që përfundoi një konflikt pasigurie në Ballkan”. Kështu e përkufizoi Zoran Zaev rezultatin e marrëveshjes se Rrepës. Në një deklaratë për agjencinë greke të lajmeve kryeministri i Maqedonisë së Veriut tha se fituesit e Marrëveshjes janë të gjithë qytetarët e të dy vendeve, por edhe qytetarët e të gjithë rajonit.

“Fituesit janë edhe ata që e kundërshtuan marrëveshjen, sepse për ata gjithashtu vjen një epokë prosperiteti, paqeje dhe miqësie. Qytetarët të guximshëm zgjodhën për të hedhur poshtë hijet e së kaluarës dhe t’i japin Ballkanit një mundësi për stabilitet të ri politik, miqësi, zhvillimin ekonomik dhe modelin e integrimit.”

Kreu i qeverisë theksoi se Shkupi dhe Athina po ecin përpara për të bashkuar qytetarët e të dy vendeve.

Ndërkohë Sekretari i përgjithshëm i Aleancës Jens Stoltenberg, deklaroi për mediat se protokolli për hyrjen e Maqedonisë në NATO do të nënshkruhet në një kohë të shpejtë.

“Do ta nënshkruajmë protokollin inkuadrues në NATO dhe këtë mund ta bëjmë së shpejti. Për ratifikim do të duhet më shumë kohë, gjithçka varet prej 29 parlamenteve. Sapo ta nënshkruajmë protokollin inkuadrues, Shkupi do të ulet në tryezë.”

Ndërkohë Shkupi do të njoftojë zyrtarisht vendet anëtare të OKB se marrëveshja për emrin e ri është ratifikuar duke zëvendësuar emrin aktual zyrtar Ish-Republika Jugosllave e Maqedonisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...