Kamçev në gjykatë thotë se është shantazhuar nga Boki 13 në emër të Janevës - Bota Sot
Kamçev në gjykatë thotë se është shantazhuar nga Boki 13 në emër të Janevës

Maqedonia

Kamçev në gjykatë thotë se është shantazhuar nga Boki 13 në emër të Janevës

Më: 6 dhjetor 2019 Në ora: 12:26
Orce Kamçev

Orce Kamçev dhe Ana Kamçeva sot duhej të dalin para gjykatësve në Gjykatën Penale në Shkup si dëshmitarë për rastin “Haraçi” ku si të dyshuar janë Katica Janeva dhe Bojan Jovanovski apo ndryshe siç njihet “Boki 13”.

Ana Kamçeva nuk ishte në gjendje të mirë shëndetësore që të jetë në seancë dhe për këtë e ka njoftuar gjykatën. Prezent në seancë ishte vetëm burri i saj, afaristi Orce Kamçev.

Kamçev ka thënë se është shantazhuar nga Boja Jovanovski gjatë gjithë kohës për t’i dhënë para, me arsyetimin se mund t’i ndihmojë duke ndikuar tek Katica Janeva, atëhëerë kryeprokurore në Prokurorinë Speciale Publike.

Bojan Jovanovskin e ka akuzuar se në disa raste i ka kërkuar shuma të majme parash, për reklamë në televizionin e tij “1TV”, ndërsa më vonë, gjithmonë sipas Kamçev njofton NovatTv përcjell Telegrafi Maqedoni, Boki 13 i ka propozuar një plan për një VIP qendër tregtare për ndërtimin e së cilës ka kërkuar 4 milionë euro.

Kamçev nuk ka lënë pa përmendur edhe prokuroren e PSP-së, Lile Stefanova, për të cilën tha se ajo i ka kërkuar që t’i blejë një dyqan në Shkup për ta shfrytëzuar vajza e saj si ordinancë stomatologjike. Këto pohime të Kamçev janë dëgjuar edhe në përgjimet e publikuara nga “La Verita” italiane, të cilat i ka refuzuar Stefanova.

Në seancën e parë për këtë rast, i akuzuari i tretë, Zoran Milevski-Kiçec, e pranoi fajin kurse një ditë më vonë, ai u dënua me tre vite burg për pjesmarrje dhe negociata mes palëve të përfshira në këtë rast korrupsioni.

Shfaq komentet
comments powered by Disqus
Sot mund të lexoni Shfletoni kopertinat