MPB Maqedoni informon se sot (15.09.2023) Departamenti i Njësive të Aviacionit në Ministrinë e Punëve të Brendshme, pas kërkesës së Qendrës së Menaxhimit të Krizave për shuarjen e zjarrit në afërsi të fshatit Dolgaec, Komuna e Dollnenit, ka dërguar helikopterin Bel-412EP dhe në aksion të koordinuar me Zjarrfikësit e Njësisë Territoriale të Zjarrfikjes, janë lokalizuar degët e zjarrit pranë fshatit.
Por, MPB njofton se në pjesë të tjera zjarri është ende aktiv dhe po merren masa për shuarjen e tij.
Helikopteri Bel-412 EP deri më tani ka hedhur mbi 25 tonë ujë për shuarjen e zjarrit.
Ditëve të fundit shërbimet zjarrfikëse në RMV janë përballur me zjarre në vende të ndryshme. Ata kërkojnë që qytetarët të jenë të kujdesshëm dhe të mos bëhen shkaktarë për zjarre.
