Sot rreth orës 13.00, në Sektorin e Punëve të Brendshme Tetovë, është denoncuar se në rrugën e “Ilinden” në afërsi të “Zhito Sharr” para pompës së benzinës në Gostivar, prej mjetit ngarkues “Mercedes” me targa të Gostivarit, të cilin e ka drejtuar 58-vjeçari B.C. nga Gostivari, gjatë kalimit me veturën “Opel Frontera” me targa të Gostivarit, drejtuar nga 48-vjeçari Xh.D. kanë rënë shufra metalike, dhe i kanë shkaktuar lëndime në kokë.
I lënduari Xh. D. me anë të Autoambulancës, është dërguar në Spitalin “Ferid Murat” në Gostivar, ku i është dhënë ndihma mjekësore, por menjëherë iu është nënshtruar lëndimeve dhe ka ndërruar jetë.
Nga policia thonë se janë kryer hetimet në vendin e ngjarjes, dhe se janë ndërmarrë të gjitha masat, dhe aktivitet për zbardhjen e plotë të rastit, ku me urdhër të prokurorit publik, trupi i pa jetë është dërguar për autopsi.
