Këngëtarja e njohur kosovare Eliza Hoxha ishte e ftuar pasditen e sotme në “Ftesë në Pesë” me Bieta Sulon, për promovimin e klipit më të ri “Peng”.
Një baladë e shkruar dhe kompozuar nga vetë Eliza, e cila tregoi se filloi t’i shkruante vetë tekstet në momentin që bashkëpuntori i saj Memli Krasniqi i hyri angazhimit në politikë.
Duke folur për realizmin e videoklipit, këngëtarja la të kuptohej se kush ishte pengu i saj që e nxiti të kthehej në muzikë me këtë këngë.
Ajo pranoi se angazhimet e shumta profesionale i marrin shumë kohë, që në fakt duhet t’ia dedikonte vetes dhe familjes.
“Vitet e fundit e kam kuptuar që duhet t’i kushtoj më shumë kohë familjes. Si duket duhet të kalojnë vitet për të kuptuar rëndësinë e kohës dhe peshën e njerëzve që i ke afër”, përfundoi ajo.
