Këngëtarja nga Shqipëria, Eni Koçi, tash e një kohë është duke punuar në projektin e ri.
Këtë këngë ajo pritet të sjell në bashkëpunim me këngëtarin Lindon Berisha, xhirimet e së cilës pothuajse kanë përfunduar.
Së fundmi, Koçi në llogarinë e saj personale, Instagram, ka njoftuar fansat se ky projekt do të publikohet nesër.
“Nesër në orën 17:00, publikohet Bella”, ka shkruar biondja në postimin e ndarë me ndjekësit.
Artistët kanë bashkuar forcat për herë të parë dhe presim të shohim se çfarë kanë përgatitur kësaj radhe.
Ndryshe, Eni dhe Lindoni po vazhdojnë ndaras të punojnë në projekte të tjera, që do i publikojnë në ditët në vijim.
