Një aksident në skenë ka rezultuar fatal për këngëtaren e famshme spanjolle të rrymës pop.
Joana Sainz Garcia, 30 vjeçe, po performonte së bashku me orkestrën, “Super Hollywood” në një lokal afër Madridit kur ndodhi ngjarja rëndë.
Këngëtarja u godit në pjesën e barkut nga fishekzjarrët e dendur që ishin pranë skenës.
Ngjarja ndodhi rreth orës 02:00 të mëngjesit, para 1000 spektaktorëve që po shijonin performancën e saj.
Pamjet e postuara në mediat sociale tregojnë momentin kur shpërtheu fishekzjarri, duke shembur në tokë menjëherë Sainz.
Një mjek dhe një infermiere që ishin në turmë u përpoqën ta ndihmojnë atë para se të mbërrinte ambulanca, por çdo gjë ka rezultuar e kotë, pasi 30-vjeçarja ndërroi jetë.
