Apple thotë se ka filluar të prodhojë modelin iPhone 14 në Indi, derisa diversifikon zinxhirët e saj të furnizimit larg Kinës.
Kompania prodhon shumicën e telefonave të saj në Kinë, por ka zhvendosur një pjesë të prodhimit jashtë vendit pasi tensionet rriten midis Washingtonit dhe Pekinit.
Politikat ‘zero-COVID’ të Kinës, që kanë shkaktuar bllokime të përhapura, kanë shkaktuar gjithashtu ndërprerje të mëdha për bizneset gjatë pandemisë.
Gjiganti i teknologjisë prezantoi iPhone-in e tij më të fundit në fillim të këtij muaji.
“Linja e re e iPhone 14 prezanton teknologji të reja inovatore dhe aftësi të rëndësishme sigurie. Ne jemi të ngazëllyer që do të prodhojmë iPhone 14 në Indi”, tha Apple në një deklaratë.
