Shkencëtari Bill Nye ka treguar se si funksionojnë maskat mbrojtëse dhe videoja e tij u bë hit në TikTok, ku mblodhi më shumë se 14 milionë shikime në vetëm disa ditë dhe mori gati 4 milionë pëlqime.
Bill Nye i popullarizuar iu drejtua kujtdo që refuzon të mbajë maskë në publik, dhe në video ai shpjegon pse maskat janë efektive në ngadalësimin e përhapjes së koronavirusit.
Nye tregon një hartë të ShBA-së dhe shpjegon se si e kuqja tregon zonat ku njerëzit mbajnë maska, dhe më pas vendosi një hartë tjetër të zezë mbi të që tregon se ku po e marrin njerëzit virusin. "Shpresoj të shihni, sa më pak ka maska, aq më shumë ka të sëmurë", tha ai.
"Dhe ekziston një perceptim që virusi mund të kalojë nëpër fijet e një maske, si kjo pikë e kuqe", vazhdon Billi, pastaj demonstron pse kjo nuk është e vërtetë. - Pra, kur një pikë hyn në fijet e maskës, ajo mbetet e bllokuar. Nuk është aq e vështirë për t'u kuptuar. Kjo është arsyeja pse ne kemi rregulla për mbajtjen e maskës.
Ai e përfundon videon e tij me një mesazh për të gjithë ata që refuzojnë të mbajnë maska sepse thonë se kjo është kufizim i lirisë së tyre. - Rregullat ekzistojnë ende, madje edhe në vendet e lira. Ju i dini rregullat. Ju paguani taksa gjatë gjithë rrugës, por vozitni vetëm në njërën anë. Përndryshe… - tha ai dhe tregoi se çfarë ndodh nëse njerëzit nuk e ndjekin atë rregull.
- Pra, ju lutem të gjithë mbani maskë. Faleminderit - përfundon ai.
