Banka aksidentalisht ia deponon 50 miliardë dollarë një familjeje

Kuriozitete

Banka aksidentalisht ia deponon 50 miliardë dollarë një familjeje

Më: 3 korrik 2021 Në ora: 21:42
“Chase Bank” të martën e ktheu gjendjen normale në llogarinë e familjes

Për katër ditë, Darren James dhe familja e tij ishin multimiliarderë. Agjenti i patundshmërive në Louisiana të Amerikës, dhe gruaja e tij po bënin një kontroll rutinor në financat e tyre të shtunën e kaluar kur vunë re se 50 miliardë dollarë ishin deponuar gabimisht në llogarinë e tyre bankare.

“Ky s’është gabim me një apo dy zero, por sikur dikush ka fjetur mbi tastierë”, ka thënë me shaka Jamesi. “Sigurisht isha i lumtur. I habitur shumë se si dolën ato dhe duke menduar mos kisha ndonjë dajë të pasur që mi ka dhuruar.”

Por për zhgënjimin e tij, nuk ishte trashëgimi – por një gabim bankar.

“Chase Bank” të martën e ktheu gjendjen normale në llogarinë e familjes, ka thënë Jamesi.

Kjo bankë ka pranuar gabimin në një deklaratë për CNN, por ka dhënë periudhë tjetër kohore për rregullimin e gabimin.

“Kemi pasur një problem teknik javëve të fundit që ka prekur një numër të limituar të llogarive. Çështja u zgjodh një ditë më pas dhe të gjitha llogaritë janë me bilance të sakta”, ka thënë një zëdhënëse e bankës.

Njerëzit që i shpenzojnë paratë të cilat u janë deponuar gabimisht mund të detyrohen të kthejnë paratë, të paguajnë gjobë e të akuzohen edhe për krim. Më 2019, një çift në Pensilvania qe akuzuar për vjedhje pasi kishin shfrytëzuar një pjesë të 120 mijë dollarëve të cilat u ishin deponuar gabimisht në llogari.

Megjithatë, James ka thënë se kurrë s’ka menduar të shpenzojë ndonjë para.

comment Për komente lëvizni më poshtë
Më të lexuarat
Sot mund të lexoni Shfletoni kopertinat