Aktiviteti sizmik zbulon anijet e fundosura japoneze në betejën e Jima

Ndryshe

Aktiviteti sizmik zbulon anijet e fundosura japoneze në betejën e Jima

Më: 19 tetor 2021 Në ora: 21:23
Foto ilustrim

Aktiviteti sizmik në një prej vullkaneve më aktive të Japonisë, mali Suribachi, ka nxjerrë nga fundi i detit rrënojat e anijeve të fundosura gjatë betejës së Iwo Jima në Luftën e Dytë Botërore.

Njëzetekatër mjete transporti detar të kapura nga marina e SHBA gjatë fazave të fundit të luftës, u zhvendosën në pjesën perëndimore të Iwo Jima për krijimin e një porti, shkruan Telegraph.

Trupat e anijeve u sollën asokohe në ishull pasi vendi nuk kishte ambiente portuale.

Fundi i detit është ngritur prej aktivitetit sizmik të malit Suribachi, veçanërisht në pjesën perëndimore të vendit.

Anijet e fundosura qëndrojnë mbi hirin vullkanik dhe janë përdorur si breza për frenimin e ujit teksa ushtarët shkarkonin materialet e luftës.

Ishulli ishte ndërtuar në këtë mënyrë për të krijuar një bazë artificiale detare nga SHBA, para sulmit mbi ishujt e mëdhenj të Japonisë në Luftën e Dytë Botërore.

Vendi është i pabanuar, por ka poste të ushtrisë japoneze, qe kur u dorëzua nga ushtria e SHBA në 1968.

“Zonat pa ngjyrë të detit tregojnë se aktiviteti vullkanik ende nuk është reduktuar”, tha Setsuya Nakada, drejtor i qendrës kërkimore të vullkaneve, duke shtuar se ka mundësi dhe për shpërthime madhore vullkanike.

Një foto e famshme e ushtrisë së SHBA duke ngritur flamurin gjatë luftës, është bërë në betejën e Iwo Jima.

Ishulli është ngritur të paktën 10m që prej vitit 1952 si pasojë e aktivitetit sizmik.

Mali Suribachi, është gati 2000 metra i lartë, por një nga vullkanet më të rrezikshme të botës.

Japonia qëndron mbi atë që njihet si “Unaza e zjarrtë” e Paqësorit me aktivitet intensiv sizmik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat