I ashtuquajturi ‘Hulku iranian’ i ka bërë fansat të entuziazmohen për luftën e tij të pritur me padurim me aktorin dhe sportistin e ashpër Martyn Ford.
Sajad Gharibi kohët e fundit postoi një video në Instagramin e tij personal, duke treguar një pjesë të forcës së tij mbinjerëzore përpara asaj që do të jetë një rast vërtet unik – dhe i paharrueshëm.
I forti iranian ka grumbulluar mbi 600,000 ndjekës në rrjetin social, me aftësitë e tij fizike unike dhe kornizën e jashtëzakonshme që tërheq fansa nga e gjithë bota.
Videoja e tij, e drejtuar drejtpërsëdrejti ndaj Fordit (i njohur ndryshe si “njeriu më i frikshëm në botë”, tregon Hulkun duke ngritur pesha dhe duke goditur mure me grushte.
“Po, kjo është personale”, pohoi ai në mbishkrim.
“Dhëmbë të bukur të bardhë nga njëra anë, ju me të gjithë sponsorët tuaj [përballë] meje me fansa të dashur në mbarë botën që më mbështesin dhe më motivojnë”.
“Kushte të ndryshme, nuk janë të rëndësishme. Por, Hulku iranian nuk ndalet kurrë. Shihemi më 2 Prill”, premtoi Gharibi.
Ndërsa kundërshtari i tij ka një avantazh në gjatësi, për sa i përket peshës iraniani është në një klasë tjetër. Gharibi thuhet se ka një peshë mahnitëse 177 kilogramë, ndërsa Ford është vetëm 145 kilogramë.
Dyshja nuk kanë luftuar kurrë në një ndeshje zyrtare deri më tani, pavarësisht se Ford është trajnuar në disiplinën MMA për disa vite, por një gjë është e sigurt – ka atmosferë të keqe mes dyshes.
Në një postim në Instagram që konfirmoi se lufta po zhvillohej në vitin 2022, Ford nuk mund të premtonte luftimet më teknike, por ai shpresonte të jepte disa lëvizje që t’i impresiononte edhe fansat e tij.
“London 02 është rezervuar. Unë do të doja të organizoja një ngjarje që ju nuk do ta harroni kurrë”, ka deklaruar Ford.
