Nëntënjakët e vetëm në botë festojnë ditëlindjen e parë, flet babai i tyre

Ndryshe

Nëntënjakët e vetëm në botë festojnë ditëlindjen e parë, flet babai i tyre

Më: 5 maj 2022 Në ora: 18:08
Nëntënjakët

Të vetmit nëntënjakë në botë, të lindur në të njëjtën kohë, festojnë ditëlindjen e tyre të parë. Babai i foshnjave ka thënë për BBC se bebat janë shumë mirë më shëndet.

"Tani po zvarriten të gjithë. Disa qëndrojnë ulur dhe madje mund të ecin nëse mbahen diku," tha babai i fëmijëve, Abdelkader Arby, një oficer në ushtrinë maliane.

Ata janë ende nën kujdesin e klinikës në Marok ku kanë lindur. Ai tha se edhe nëna e tyre Halima Cissé, 26 vjeçe, ishte mirë me shëndet.

Image

"Nuk është e lehtë, por është e mrekullueshme. Edhe nëse ndonjëherë është e lodhshme, kur i shikon të gjitha foshnjat me shëndet të përsosur, [në rresht] nga e djathta në të majtë, jemi të lehtësuar. Ne harrojmë gjithçka," tha ai për BBC Afrique.

Ai sapo është kthyer në Marok për herë të parë pas 6 muajsh, së bashku me vajzën e tyre të madhe, Souda, tre vjeçe.

“Jam i emocionuar që jam ribashkuar me gjithë familjen time – gruaja, fëmijët dhe unë”.

"Asgjë nuk është më e bukur se viti i parë. Ne do ta kujtojmë këtë moment të madh që po përjetojmë."

Ata thjesht do të kenë një festë të vogël ditëlindjeje me infermieret dhe disa njerëz nga ndërtesa ku jetojnë, tha Arby. Cissé dhe fëmijët aktualisht jetojnë në atë që babai i tyre e përshkroi si një "banesë mjekësore" që i përket pronarëve të klinikës Ain Borja në Casablanca ku lindën foshnjat.

Image

"Ka infermiere që janë këtu, përveç gruas sime, që ndihmojnë për t'u kujdesur për fëmijët," tha Arby. “Klinika u ka dhënë atyre një menu ku thuhet se çfarë duhet t'u japin për të ngrënë gjatë gjithë kohës – natën dhe ditën”, vazhdoi ai.

Foshnjat - 5 vajza dhe 4 djem - lindën në javën e 30-të, sipas ministres së shëndetësisë së Malit, Fanta Siby. Ata peshonin midis 500 gr dhe 1 kg, tha profesori Youssef Alaoui, drejtor mjekësor i klinikës Ain Borja për agjencinë e lajmeve AFP në kohën e lindjes. Ata kanë lindur me prerje cezariane.

Foshnjat thyen Rekordin Botëror Guinness për numrin më të madh të fëmijëve të lindur në një lindje të vetme dhe të mbijetuar.

Përpara lindjes, më 4 maj 2021, Cissé u dërgua në Marok nga qeveria e Malit për kujdes të specializuar.

Lindjet e shumëfishta janë të rrezikshme dhe nënat me më shumë se katër fetuse në të njëjtën kohë këshillohen ta ndërpresin shtatzëninë në disa nga vendet ku aborti është i ligjshëm. Ekzistojnë gjithashtu rreziqe që foshnjat mund të zhvillojnë probleme shëndetësore për shkak të lindjes së tyre të parakohshme.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat